दिवाळीसाठी घराकडे निघाले; रेल्वेत चढताना अचानक तोल गेला, फलाटावर पडले, मात्र…

छत्रपती संभाजीनगर: रेल्वे स्टेशनहून मुंबईकडे जात असलेल्या तपोवन एक्सप्रेस ही निघत असताना ६३ वर्षीय हे रेल्वेच्या एका बोगीत वृद्ध चढले. रेल्वे चढल्यानंतर त्यांचा तोल गेला. वृद्ध रेल्वेतून खाली पडताच कर्तव्यावर उपस्थिती असलेल्या पोलिसांनी ६३ वर्षीय वृद्ध व्यक्तीचे जीव वाचवला. रेल्वे प्रवाशाचा पोलीस अंमलदार मिलींद वाघमारे यांनी शिवाजी भाऊराव आवारे यांचा जीव वाचविला.मिळालेल्या माहितीनुसार, रेल्वे स्टेशनवर दर दिवसाप्रमाणे मिलींद वाघमारे हे रेल्वे निघत असताना नित्याप्रमाणे स्कॉटींग करत होते. रेल्वेत चढताना किंवा उतरताना काही गुन्हेगार या चोरीचा प्रयत्न करत असतात. यामुळे लोहमार्ग पोलिसांकडून गर्दीच्या वेळी गस्त घालण्यात येत असतो. मिलीद वाघमारे हे फलाट क्रमांक एकवर कार्यरत होते. दरम्यान दिडच्या दरम्यान स्टेशनवर मुंबईकडे जाणारी तपोवन एक्सप्रेस आली. या रेल्वेत प्रवासी बसले. ही रेल्वे निघत असताना लासुर स्टेशनला जाण्यासाठी गारखेडा भागातील रहिवासी शिवाजी भाऊराव आवारे हे आले. ते थेट रेल्वेच्या कोचमध्ये चढले.रेल्वेच्या कोचमध्ये चढल्यानंतर रेल्वे वेग घेत होती. दरम्यान शिवाजी आवारे त्या कोचमध्ये चढले. त्या कोचमधून ते मागे आले. मागे येताच शिवाजी आवारे यांचा तोल गेला. ते खाली पडले. शिवाजी आवारे हे खाली पडताच त्यांनी रेल्वे दरवाज्याजवळील लोखंडी बार पकडून ठेवण्याचा प्रयत्न केला. दरम्यान, कर्तव्यावर असलेले पोलीस कर्मचारी मिलींद वाघमारे यांनी शिवाजी आवारे यांना बाजुला खेचले. तसेच समोर आलेल्या एका प्रवाशांनेही शिवाजी आवारे यांना रेल्वेपासून दुर नेले. जीव वाचविल्यानंतर शिवाजी आवारे यांनी रेल्वे पोलिसांचे आभार मानले. ते दिवाळीनिमित्त लासूर स्टेशन येथील घराकडे जात होते, असेही त्यांनी सांगितले.