बीड: बहुचर्चित कुटे ग्रुप हा जवळपास आता देशभर गाजतो आहे. त्याच माध्यमातून बीड जिल्ह्यातील हजारो नागरिकांना तरुणांना आणि तरुणींना या ग्रुपमुळे जिल्ह्यातच कामाची संधी मिळाली आहे. याच कुटे ग्रुपची ज्ञानराधा मल्टीस्टेट त्याहून आधी जुनी आहे आणि विश्वासार्हता ही कमावणारी ही बीड जिल्ह्यातील एकमेव बँक आहे. मात्र, काही दिवसांपूर्वीच या बँकेच्या अनेक शाखांमध्ये इन्कम टॅक्सची सर्वसाधारण तपासणी चालू असल्याने नागरिकांमध्ये अफवा पसरली होती. यामुळे बँकेतील ठेवीदारांमध्ये घबराट पसरली होती. अनेकांनी अफेवर विश्वास ठेवत आपल्या ठेवी काढण्यासाठी बँकेत तोबा गर्दी केली होती.गेल्या अनेक वर्षांपासून ज्ञानराधा मल्टीस्टेट बँक बीड जिल्ह्यात आहे. या बँकेच्या शाखा देखील बीड शहरासह जिल्ह्यात भरपूर आहेत. याच माध्यमातून उदयास आला तो कुटे ग्रुप कुठे ग्रुप बीड जिल्हा पुरता मर्यादित न राहता हा देशभर गाजला आहे. या कुटे समूहाची अनेक उत्पाहने सध्या देशभर नागरिक वापरतात. मात्र त्याहून महत्त्वाचं म्हणजे ज्या बीड जिल्ह्यात सध्या दुष्काळाची नेहमीच छाया राहते. याठिकाणी सुशिक्षित तरुणांना बेरोजगार राहावं लागते. परंतु, कुटे ग्रुपने बीडच्या हजारो तरुण-तरुणी यांना या ठिकाणीच रोजगार मिळवून दिला होता.
गेल्या काही दिवसांमध्ये कुटे ग्रुपचे सर्वेसर्वा सुरेश कुटे यांच्याविषयी एक अफवा पसरली होती. त्यामुळे बीड जिल्ह्यात खळबळ उडाली होती. यामुळेच ज्ञानराधा मल्टीस्टेट याच्यावर इन्कम टॅक्स धाड पडली आहे आणि ही बँक आता लवकरच बुडणार असल्याच्या अफवा बीड जिल्ह्यात पसरत गेल्या आणि यामुळे ठेवीदारांनी बँकेच्या अनेक शाखांमध्ये मोठी गर्दी केली आपल्या ठेवी मिळवण्यासाठी किरकोळ वादही केला. मात्र, कुटे ग्रुपचे सर्वेसर्वा यांनी आपला पैसा सुरक्षित आहे. ज्यावेळेस पाहिजे त्यावेळेस तो पैसा आपल्याला मिळून जाईल. मात्र, अफवांवर विश्वास ठेवू नका आणि ही अफवा खरी नाही आपला पैसा सुरक्षित आहे. हे पैसे तुम्हाला हवे असल्यास दिले जातील, असेही सुरेश कुटे यांनी स्पष्ट केले होते. तरीदेखील काल सकाळपासून ते मध्यरात्री आणि आज सकाळपर्यंत नागरिक ही शाखेच्या दारात ठाण मांडून आहेत. कारण यापूर्वी बीड जिल्ह्यात अनेक घटना घडल्याने बीडकरांचा विश्वास हा बँकांवरचा उडालेला आहे. त्यामुळे ज्ञानराधा बँकेबाबातही ठेवीदारांमध्ये भीतीचे वातावरण पसरले आहे.
Users Today : 66