यंदाच्या सर्वात स्वस्त OnePlus फ्लॅगशिपची माहिती लीक; कर्व्ड डिस्प्ले आणि स्नॅपड्रॅगन ८ जेन २ प्रोसेसरसह येऊ शकतो बाजारात

OnePlus Ace 2 ची जागा घेणारा फोन OnePlus Ace 3 लवकरच लाँच केला जाऊ शकतो. कंपनीची एस सीरिज सर्वात स्वस्त फ्लॅगशिप स्मार्टफोन सीरिज आहे. एस ३ फोनबद्दल गेल्या अनेक दिवसांपासून लीक समोर येत आहेत. एका टिपस्टरनुसार, ह्या फोनमध्ये मेटल फ्रेम डिजाइन दिली जाऊ शकते. त्याचबरोबर ह्यात १.५के कर्व्ड डिस्प्ले आहे. अलीकडेच गीकबेंच लिस्टिंगमध्ये OnePlus Ace 3 च्या फीचर्सची माहिती देण्यात आली होती. या फोनमध्ये स्नॅपड्रॅगन ८ जेन २ प्रोसेसरसह १६ जीबी रॅम दिला जाऊ शकतो. हा फोन OnePlus 12R नावानं चीनच्या बाहेर लाँच केला जाऊ शकतो.

OnePlus Ace 3 चे संभाव्य स्पेसिफिकेशन्स

या फोनचा मॉडेल नंबर PJD110 सांगण्यात आला आहे. हा गीकबेंच वेबसाइटवर लिस्ट करण्यात आला आहे. फोनचा ह्या प्लॅटफॉर्मवर सिंगल-कोर स्कोर १५९७ पॉईंट आणि मल्टी-कोर स्कोर ५३०४ पॉईंट आहे. लिस्टिंगनुसार, ह्यात एक चिपसेटचे कोडनेम ‘कलामा’ सांगण्यात आलं आहे. या फोनमध्ये स्नॅपड्रॅगन ८ जेन २ प्रोसेसर दिला जाऊ शकतो. लिस्टिंगनुसार, फोनमध्ये १६जीबी रॅम आणि अँड्रॉइड १३ ऑपरेटिंग सिस्टम दिली जाऊ शकते.OnePlus Ace 3 ग्लोबल मार्केटमध्ये OnePlus 12R नावाने लाँच केला जाऊ शकतो. ह्यात १२०हर्ट्झ रिफ्रेश रेटसह ६.७ इंचाचा AMOLED डिस्प्ले असण्याची शक्यता आहे. ह्यात ऑप्टिकल इमेज स्टेबिलायजेशन (OIS) सपोर्टसह ५० मेगापिक्सलचा प्रायमरी सेन्सर, ८ मेगापिक्सलचा अल्ट्रा वाइड-अँगल सेन्सर आणि ३२ मेगापिक्सलचा टेलीफोटो कॅमेरा असण्याची शक्यता आहे. त्याचबरोबर १६ मेगापिक्सलचा सेन्सर असू शकतो.

भारतातील OnePlus 11R 5G

OnePlus 11R 5G बद्दल बोलायचं तर ह्यात ६.७ इंचाचा डिस्प्ले देण्यात आला आहे ज्याचे पिक्सल रेजोल्यूशन १०८०x२४१२ आहे. फोनमध्ये ५० मेगापिक्सलचा प्रायमरी, ८ मेगापिक्सलचा दुसरा आणि २ मेगापिक्सलचा तिसरा कॅमेरा देण्यात आला आहे. त्याचबरोबर १६ मेगापिक्सलचा फ्रंट कॅमेरा आहे. फोनमध्ये ८ जीबी रॅम आणि १६ जीबी रॅम व्हेरिएंट आहे. सोबत १२८ जीबी आणि २५६ जीबी स्टोरेज मिळते. ह्यात ५०००एमएएचची बॅटरी देण्यात आली आहे. हा फोन अँड्रॉइड १३ वर चालतो.