कर्तव्य बजावले आणि घरी आले; सकाळी खोली उघडताच बसला धक्का, निर्णय घेताना मुलांचा विचार केला नाही

परभणी : परभणीच्या गंगाखेड येथील उपविभागीय पोलीस अधिकारी कार्यालयामध्ये कार्यरत असणाऱ्या एका पोलीस कर्मचाऱ्यांनी राहत्या घरी गळफास घेऊन आत्महत्या केली आहे. त्यामुळे पोलीस दलामध्ये एकच खळबळ उडाली आहे. प्रशांत दीपक असे आत्महत्या केलेल्या पोलीस कर्मचाऱ्यांचे नाव आहे. सदरील घटना परभणीच्या पूर्णा शहरात घडली आहे. पोलीस कर्मचाऱ्यांनी नेमक्या कोणत्या कारणाने आत्महत्या केली आहे, याचे कारण अद्यापही समोर आलेले नाही.परभणीच्या पूर्णा शहरातील सिद्धार्थ नगर येथे राहणारे प्रशांत दीपक हे गंगाखेड येथील उपविभागीय अधिकारी कार्यालयामध्ये पोलीस कॉन्स्टेबल या पदावर कार्यरत होते. बारा वर्षांपूर्वी ते पोलीस दलामध्ये दाखल झाली होते. सोमवारी नियमितपणे त्यांनी गंगाखेड येथील उपविभागीय अधिकारी कार्यालयामध्ये आपले कर्तव्य बजावले आणि सायंकाळच्या सुमारास घरी आले. मात्र मंगळवारी सकाळी साडेदहा वाजेपर्यंत खोलीतून बाहेर न आल्यामुळे कुटुंबीयांनी त्यांची खोली उघडी यावेळी त्यांनी ओढणीच्या सहाय्याने गळफास घेतल्या असल्याचे कुटुंबीयांना दिसून आले.त्यानंतर नातेवाईकांनी या घटनेची माहिती पूर्णा नदीच्या पोलिसांना दिली. घटनेची माहिती मिळताच उपविभागीय पोलिस अधिकारी ब्रह्मदेव गावडे, पोलीस निरीक्षक सुभाष गावडे यांनी पोलीस कर्मचाऱ्यांसह घटनास्थळी भेट देऊन पाहणी केली. त्यानंतर मृतदेह ताब्यात घेऊन घटनेचा पंचनामा करून मृतदेह शवविच्छेदनासाठी पूर्णा येथील ग्रामीण रुग्णालयामध्ये दाखल केला.पोलीस कर्मचारी प्रशांत दीपक यांनी कोणत्या कारणाने आत्महत्या केली आहे. याचे कारण मात्र अस्पष्टच आहे. मात्र त्यांनी आत्महत्या केली असल्याने पोलीस दलामध्ये एकच खळबळ उडाली आहे. त्यांच्या पश्चात वडील,पत्नी, भाऊ, दोन मुले असा परिवार आहे. दरम्यान पोलीस कर्मचाऱ्यांनी कोणत्या कारणाने आत्महत्या केली आहे हे आता पोलीस तपासातून समोर येणार आहे.