नागपूरकरांनो, पाणी भरुन ठुवा, नाही तं आफत हुईन; अर्ध्या शहरात २ दिवस पाणी नसणार, कोणत्या भागांना फटका?

नागपूर : शहराच्या पाणीपुरवठ्याची जबाबदारी असलेल्या ओसीडब्ल्यूच्यावतीने २२ ते २३ नोव्हेंबरदरम्यान पाणीपुरवठ्यासाठी आपातकालीन शटाडाउन घेण्यात येणार आहे. अर्धे शहर या काळात पाण्याविना असेल. विशेष म्हणजे या काळात नागरिकांना टँकरनेही पाणीपुरवठा होणार नाही.ओसीडब्ल्यूने दिलेल्या माहितीनुसार, लक्ष्मीनगर, धरमपेठ, हनुमाननगर, मंगळवारी आणि गांधीबाग या झोनमधील ७०० मिमीचा वॉल्व्ह, ५०० मिमी पेंच ३ बायपास वॉल्व्ह ही कामे हाती घेण्यात आल्याने या चारही झोनमधील वस्त्यांमध्ये २२ नोव्हेंबरला सकाळी १० वाजेपासून २३ नोव्हेंबरच्या रात्री १० वाजेपर्यंत पाणीपुरवठा बंद करण्यात येईल. या काळात पाचही झोनमधील अनेक वस्त्यांचा पाणीपुरवठा बाधित असेल.