नाशिक : राज्यपाल रमेश बैस हे मंगळवारी (दि. २१) जिल्हा दौऱ्यावर येणार आहेत. इगतपुरी तालुक्यातील कुशेगाव आणि मोडाळे येथे बैस यांच्या उपस्थितीत विविध कार्यक्रम होणार असून, सर्व सरकारी यंत्रणांनी राजशिष्टाचाराचे पालन करावे, असे निर्देश जिल्हाधिकारी जलज शर्मा यांनी रविवारी दिले.जिल्हाधिकारी कार्यालयाच्या मध्यवर्ती सभागृहात दौऱ्याच्या पार्श्वभूमीवर पूर्वतयारी आढावा बैठक घेण्यात आली. बैठकीस जिल्हा परिषदेच्या मुख्य कार्यकारी अधिकारी आशिमा मित्तल, पोलिस अधीक्षक शहाजी उमाप, सहाय्यक जिल्हाधिकारी जितिन रहमान, उपवनसंरक्षक (पूर्व) उमेश वावरे, महापालिका उपायुक्त लक्ष्मीकांत साताळकर, निवासी उपजिल्हाधिकारी राजेंद्र वाघ, उपजिल्हाधिकारी (प्रशासन) भीमराज दराडे, इगतपुरीचे उपविभागीय अधिकारी रवींद्र ठाकरे आदी उपस्थित होते.
सकाळी ११ : कुशेगाव हेलिपॅडवर आगमन, ११ ते ११.३५ : कुशेगावात नॅनो युरियाचे प्रात्यक्षिक, शेतकऱ्यांशी संवाद व विद्यार्थ्यांना सायकल वाटप, ११.४० : मोडाळे येथे आगमन, ११.४५ : आदिवासी नृत्याद्वारे राज्यपालांचे स्वागत, ११.५० : स्टॉल्सची करणार पाहणी, ११.५५ : दीप प्रज्वलनाने कार्यक्रमाचा प्रारंभ, दुपारी १२ : मान्यवरांचे स्वागत व सत्कार, १२.१५ : जिल्हाधिकाऱ्यांचे प्रास्ताविक, १२.२० : १६ लाभार्थींना लाभाचे वाटप, १२.३० : प्रातिनिधिक दोन लाभार्थींचे मनोगत, १२.३५ ते १ : नरहरी झिरवाळ, छगन भुजबळ, दादा भुसे, डॉ. भारती पवार यांचे मनोगत, १ : राज्यपालांचे मनोगत, दुपारी १.१५ : राष्ट्रगीताने कार्यक्रमाचा समारोप.
Users Today : 20