नागपूर : गेल्या काही काळात नागपुरातील वायूची गुणवत्ता घसरल्याचे अनेकदा समोर आले आहे. हिवाळ्यात तर वायुप्रदूषणात अधिकच वाढ होते. यंदा ऑक्टोबरपेक्षा नोव्हेंबरमध्ये प्रदूषण वाढल्याचे समोर आले आहे. या महिन्यात दिवाळी असल्याने काही दिवस प्रदूषणात वाढ होणे अपेक्षित होते. मात्र, या महिन्यातील एक-दोन नाही तर सगळेच दिवस प्रदूषित होते, अशी धक्कादायक माहिती समोर आली आहे. खुद्द केंद्रीय प्रदूषण नियंत्रण मंडळाच्या संकेतस्थळानेच हे मान्य केले आहे.
या भागात नऊ दिवस साधारण स्वरूपाचे प्रदूषण होते. १९ दिवस जास्त स्वरूपाचे तर दोन दिवस तीव्र स्वरूपाचे प्रदूषण होते. सिव्हिल लाइन्स परिसरात १५ दिवस साधारण स्वरूपाचे आणि १३ दिवस जास्त स्वरूपाचे प्रदूषण होते. अंबाझरी परिसरात १७ दिवस साधारण प्रदूषणाचे तर ११ दिवस जास्त प्रदूषणाचे होते. रामनगरातील २१ दिवस साधारण प्रदूषणाचे तर सात दिवस जास्त प्रदूषणाचे होते. या महिन्यात या तिन्ही भागांमध्ये तीव्र स्वरूपाचे प्रदूषण नव्हते. त्यामुळे या महिन्यात महाल परिसरातील वायूची गुणवत्ता सर्वाधिक वाईट असल्याचे स्पष्ट होते. ‘हिवाळ्यात थंडीमुळे तसाच व्हायरलचा धोका असतोच. तसेच गेल्या काही काळात प्रदूषणात वाढ होत असल्याने श्वसनाचे आजार अधिकच वाढत आहेत’, अशी माहिती पर्यावरण अभ्यासक सुरेश चोपणे यांनी दिली.
Users Today : 51