Mumbai Weather Update : मुंबई होणार Cool, रात्रीचा पारा घसरणार; या तारखेपासून घ्या गुलाबी थंडीची मजा…

मुंबई : राज्यात अवकाळी पावसाचं वादळ आता थांबलं असून हलक्या थंडीला आता सुरुवात झाली आहे. हवामान खात्याने दिलेल्या माहितीनुसार, मुंबईतल्या किमान तापमानात २ ते ३ अंश सेल्सिअसने घट होण्याची शक्यता आहे. उत्तरेकडून येणाऱ्या वाऱ्यांमुळे रात्रीचे तापमान १८ ते १९ अंश सेल्सिअसपर्यंत खाली येईल. त्यामुळे रात्री मुंबईकरांना थंडीची मजा घेता येणार आहे.

खरंतर, मुंबईकर थंडीची वाट पाहत असले तरी दमट उष्माचाही रोज सामना करावा लागतो. उपनगरातील किमान तापमान २१ ते २२ अंश सेल्सिअस दरम्यान राहिलं. प्रादेशिक हवामान खात्याच्या अंदाजानुसार १२, १३ आणि १४ डिसेंबर रोजी रात्रीचे तापमान २० अंश सेल्सिअसपर्यंत घसरेल. तर १५ आणि १६ डिसेंबरला तापमान १९ अंश सेल्सिअसपर्यंत राहील. हवामान खात्याचे संचालक सुनील कांबळे यांनी सांगितलं की, उत्तरेकडून मुंबईच्या दिशेने येणाऱ्या थंड वाऱ्यांचा प्रवाह अधिक मजबूत होईल, त्यामुळे रात्रीचे तापमान कमी होईल.