आज जुन्नर तालुक्यातील जेष्ठ पत्रकार सुरेश वाणी यांच्या नवीन हेल्मेटचे अनावरण केले. यावेळी मी पत्रकार वाणी यांना हेल्मेट घालून तालुक्यातील समस्त दुचाकीवरून प्रवास करणाऱ्या माझ्या युवा सहकाऱ्यांना, जेष्ठ शेतकरी बांधवांना हेल्मेट वापरण्याचा संदेश दिला.
सध्याच्या धावपळीच्या काळात दुचाकीवरून प्रवास करणाऱ्यांची संख्या मोठ्या प्रमाणावर आहे. मात्र त्या प्रमाणात दुचाकीवर हेल्मेट घालून प्रवास करणाऱ्यांची संख्या खूप कमी आहे. हेल्मेट नसल्याने एखाद्या व्यक्तीचा अपघात झाल्यास त्याची मोठी किंमत घरच्यांना, नातेवाईकांना आणि मित्र परिवाराला मोजावी लागते. त्याचप्रमाणे अपघातांचा मानसिक, शारीरिक व आर्थिकरित्या परिणाम पेशंटसह इतरांवर देखील होतो. त्यामुळे सर्वांनी दुचाकीवर प्रवास करताना हेल्मेट वापरणे हे सक्तीचे आहे, गाडी चालवताना वाहतुकीचे नियम सर्वांनी पाळणे हे गरजेचं आहे. त्यामुळे रस्त्यांवरील अपघात कमी होण्यास देखील मदत होईल.