अंबानींचे नशीब पालटणार! श्रीमंती पुन्हा ओसंडून वाहणार… दोन घडामोडींमुळे ‘अच्छे दिन’चे संकेत

मुंबई : अलीकडच्या काही वर्षात दिवाळखोर प्रक्रियेअंतर्गत अनिल अंबानींच्या रिलायन्स समूहातील काही प्रमुख कंपन्यांचा लिलाव होताना आणि कर्जाच्या गर्तेत आणखी खोलवर जाताना दिसून आले. एवढंच नाही तर कर्जबाजारी अनिल अंबानी यांनी स्वतःला दिवाळखोर गोष्ट केले आणि एकेकाळी निव्वळ संपत्ती शून्य असल्याचे सांगितले. पण आता अनिल अंबानींची परिस्थितीत गेल्या काही काळापासून सुधारणा होत असून कंपन्यांवरील कर्जाचा भारही कमी झाला आहे विशेष म्हणजे त्यांच्या दोन कंपन्या पूर्णपणे कर्जमुक्त झाल्या आहेत.
अनिल अंबानी कमबॅक करण्याच्या वाटेवर
गेल्या काही वर्षात चुकीचे निर्णय आणि प्रचंड कर्जाच्या गर्तेत सापडलेल्या अनिल अंबानींना आ आता पुन्हा अच्छे दिन येताना दिसत आहेत. समूहाने १८ सप्टेंबर ते २० सप्टेंबर या तीन दिवसांत दीर्घकालीन निधी उभारणी योजना राबवत असल्याचे जाहीर केले ज्यामुळे समूहाची आर्थिक स्थिती मजबूत होऊ शकते. रिलायन्स इन्फ्रास्ट्रक्चरच्या बोर्डाने प्राधान्य इश्यू आणि QIP द्वारे ६,००० कोटी रुपयांपर्यंत निधी उभारण्यास मान्यता दिली तर दुसरीकडे, रिलायन्स पॉवरच्या बोर्डाची २३ सप्टेंबर रोजी बैठक होणार असून इथे विविध पद्धतींद्वारे निधी उभारण्यावर विचार आणि मंजूरी दिली जाऊ शकते.
अनिल अंबानींचे कर्ज फिटले
अनिल अंबानी यांनी कंपन्यांचे कर्ज फेडण्यासाठी ज्या वेगाने पावले उचलली तसेच कंपन्यांच्या भविष्यातील विस्तारासाठी निधी उभारण्याच्या योजना जाहीर केल्या व अंमलात आणल्या त्यामुळे गुंतवणूकदार आश्चर्यचकित झाले आहेत. देशांतर्गत बाजारात सूचिबद्ध दोन्ही कंपन्यांचे शेअर्सही वधारले असून गुंतवणूकदारांनी सांगितले की, प्रवर्तक समूहाने अनिल अंबानींच्या प्रमुख कंपनी रिलायन्स इन्फ्रास्ट्रक्चरमध्ये १,१०० कोटी रुपयांची गुंतवणूक करण्याची घोषणा केली ज्यामुळे समूहाच्या पुनरुज्जीवन योजनांवरील आत्मविश्वास आणखी वाढला आहे.
अनिल अंबानींवर गुंतवणूकदारांचा वाढता विश्वास
कर्जाचा भार कमी करणे आणि नवीन भांडवल उभारणे या अनिल अंबानींच्या दुहेरी धोरणाने रिलायन्स समूहाच्या दीर्घकालीन परिवर्तनाचा पाया घातला आहे, असा गुंतवणूकदारांचा विश्वास आहे. अनिल अंबानींच्या कंपन्यांवरील कर्ज कमी होत असताना गुंतवणूकदारांचा आत्मविश्वास वाढत असून लोक मोठ्या प्रमाणात आता गुंतवणूक वाढत आहेत. गेल्या काही काळापासून रिलायन्स पॉवर आणि रिलायन्स इन्फ्राचे शेअर्स रॉकेट वेगाने वधारले आहेत. शेअर्समधील रिकव्हरीमुळे अनिल अंबानींची एकूण संपत्ती वाढली आहे. रिलायन्स इन्फ्राचे मार्केट कॅप ८,५०० कोटींवरून ५०% वाढून १२,५०० कोटी रुपये झाले तर, रिलायन्स पॉवरचे मार्केट कॅप ११,५०० कोटींवरून २५% मजबूत होऊन १४,६०० कोटी रुपये झाले आहे.