राज्यात अनुसूचित जमाती आयोग स्थापन: आदिवासी समाजात आनंदाचा उत्सव, मुख्यमंत्री देवेंद्र फडणवीस यांचे नागपूर येथे आभार

राज्यात अनुसूचित जमाती आयोग स्थापन: आदिवासी समाजात आनंदाचा उत्सव, मुख्यमंत्री देवेंद्र फडणवीस यांचे नागपूर येथे आभार

नागपूर | १५ जून २०२५

महाराष्ट्र सरकारने ३ जून २०२५ रोजी घेतलेल्या ऐतिहासिक निर्णयानुसार महाराष्ट्र राज्य अनुसूचित जमाती आयोगाच्या स्थापनेला मंजुरी दिली. या ऐतिहासिक निर्णयाचे संपूर्ण राज्यात विशेषतः आदिवासी समाजात मोठ्या आनंदाने स्वागत करण्यात आले. नागपूरमध्ये गोंड राजे बख्त बुलंद शाह यांच्या प्रतिमेसमोर जल्लोषात हा निर्णय साजरा करण्यात आला.

या आयोगाच्या स्थापनेमुळे आदिवासी समाजाच्या शैक्षणिक, आर्थिक आणि सामाजिक समस्यांचे संस्थात्मक व शाश्वत निराकरण होईल, असा ठाम विश्वास व्यक्त करण्यात आला आहे.

या निर्णयाचे औचित्य साधून १५ जून २०२५ रोजी नागपूरच्या रामगिरी बंगल्यावर मुख्यमंत्री देवेंद्र फडणवीस यांचा विशेष सत्कार करण्यात आला. त्यांना क्रांतिवीर भगवान बिरसा मुंडा यांची प्रतिमा भेट देऊन आभार व्यक्त करण्यात आले.

कार्यक्रमात बोलताना अनेक आदिवासी नेत्यांनी मुख्यमंत्री देवेंद्र फडणवीस आणि आदिवासी विकास मंत्री अशोक उईके यांचे विशेष कौतुक केले. त्यांनी म्हटले की,

> “ज्यांना फक्त निवडणुकीपुरते वापरण्यात आले, त्या आदिवासी समाजासाठी आज भाजप सरकारने खऱ्या अर्थाने भक्कम पाऊल उचलले आहे. २०१४ पासून सुरू झालेला हा विकासाचा प्रवास आज निर्णायक टप्प्यावर पोहोचला आहे.”

कार्यक्रमात उपस्थित मान्यवरांमध्ये —

भाजपा अनुसूचित जमाती मोर्चाचे महाराष्ट्र प्रदेश सचिव आकाश मडावी, नागपूर शहर महामंत्री रोहित कुमरे, तसेच सागर इवनाते, देव मरस्कोल्हे, श्याम कार्लेकर, ललित मडावी, स्वप्निल वलके, अश्विन गेडाम, अमित मरापे, राकेश गडपल्लीवर, मिलिंद कोवे, अक्षय मडावी, मयूर कोवे, निलेश धुर्वे, प्रतिक मडावी, अनिकेत कुमरे, आकाश उईके, मयूर मसराम, मनीष सयाम, सचिन चौधरी, दीपक कुमरे, निखिल आत्राम, गोलू गेडाम, मयूर पेंदाम, किशोर सेन, आशिष मसराम, जितेंद्र परतेकी आदींचा समावेश होता.

या ऐतिहासिक निर्णयामुळे राज्यातील आदिवासी समाजाचा आवाज आता अधिक प्रभावीपणे शासन दरबारी पोहोचणार आहे. जनतेसाठी, विशेषतः वंचित घटकांसाठी काम करणाऱ्या सरकारची ही कृती ही समावेशक विकासाच्या दिशेने टाकलेली महत्त्वाची पावले मानली जात आहे.

To Join WhatsApp Group Click 👇

https://chat.whatsapp.com/IEyCxHcPjn95AWcUmMGQou

To Join Channel Click 👇

https://whatsapp.com/channel/0029Vb5wzzl4Y9lkKdFVcx0h