महाराष्ट्राच्या आरोग्य क्षेत्रासाठी आजचा दिवस ऐतिहासिक ठरला. 🤝 मुख्यमंत्री देवेंद्र फडणवीस, सिंगापूरचे उपपंतप्रधान गन किम योंग आणि परिवहन मंत्री जेफरी सिओ यांच्या उपस्थितीत नवी मुंबई येथे भव्य सामंजस्य करार (MoU) साक्षीदार ठरला.

या करारात महाराष्ट्र शासन, मणिपाल हेल्थ एंटरप्रायझेस प्रा. लि. आणि टेमासेक या सिंगापूरस्थित गुंतवणूक कंपनीचा सहभाग असून, त्याअंतर्गत नागपूरमध्ये 350 खाटांचे अत्याधुनिक मल्टिस्पेशालिटी रुग्णालय उभारले जाणार आहे.

💰 ₹700 कोटींची थेट गुंतवणूक असलेल्या या प्रकल्पामुळे केवळ आरोग्यसेवांचा दर्जाच उंचावणार नाही, तर 3000 थेट रोजगाराच्या संधीही निर्माण होतील.

📌 विदर्भासाठी मोठी झेप

• जागतिक दर्जाची वैद्यकीय उपकरणे व तज्ज्ञ डॉक्टरांची टीम
• गंभीर आजारांसाठी एकाच छताखाली बहुविशेषज्ञ सेवा
• आरोग्य पर्यटनाला चालना मिळण्याची शक्यता

मुख्यमंत्री देवेंद्र फडणवीस यांनी या MoU ला “विदर्भाच्या आरोग्य सेवेतली क्रांती” असे संबोधले. “नागपूर केवळ महाराष्ट्राचाच नव्हे, तर मध्य भारतातील आरोग्य केंद्र म्हणून उभे राहील,” असे ते म्हणाले.

सिंगापूरचे उपपंतप्रधान गन किम योंग यांनी महाराष्ट्राच्या विकासगतीचे कौतुक करत, या भागीदारीतून आरोग्य व आर्थिक विकास दोन्ही गतीमान होणार असल्याचा विश्वास व्यक्त केला.

📍 रुग्णालयाचा शुभारंभ टप्प्याटप्प्याने होणार असून पुढील काही वर्षांत त्याचे पूर्ण कार्यान्वयन अपेक्षित आहे. या प्रकल्पामुळे नागपूरचा नकाशा आरोग्य सेवांमध्ये राष्ट्रीय आणि आंतरराष्ट्रीय स्तरावर उजळून निघणार आहे.