चिखलीत ‘अस्मिता लीग’ क्रीडा स्पर्धेचे उत्साहात उद्घाटन

चिखली प्रतिनिधी :

येथील तालुका क्रीडा संकुलात आयोजित ‘अस्मिता लीग’ क्रीडा स्पर्धेचे उद्घाटन Shweta Mahale यांच्या हस्ते उत्साहात पार पडले. या प्रसंगी उपस्थित महिला व मुलींच्या खेळाडूंशी संवाद साधताना त्यांनी भारतीय महिलांच्या क्रीडा क्षेत्रातील कामगिरीचे कौतुक केले.
यावेळी बोलताना आमदार श्वेता महाले म्हणाल्या की, जागतिक क्रीडा क्षेत्रात भारताचे नाव उज्ज्वल करणाऱ्या महिला खेळाडूंची कामगिरी प्रेरणादायी आहे. हे यश एका दिवसात मिळालेले नसून त्यामागे अनेक वर्षांची मेहनत, त्याग आणि आत्मविश्वास दडलेला आहे.
या स्पर्धांचे आयोजन Sports Authority of India, Mera Yuva Bharat, Buldhana District Sports Office आणि Athletics Federation of India यांच्या संयुक्त विद्यमाने करण्यात आले होते.
आमदार महाले यांनी पुढे सांगितले की, कुटुंबाचे पाठबळ आणि स्वतःवरील अढळ विश्वासामुळे मुली कोणतेही आव्हान पेलू शकतात. त्यामुळे पालकांनी मुलींच्या क्रीडा क्षेत्रातील सहभागाला प्रोत्साहन देऊन त्यांच्या स्वप्नांना उंच भरारी घेण्याची संधी द्यावी.
“एखाद्या मुलीने जिंकलेले पदक हे फक्त तिचे नसते, तर ते संपूर्ण तालुका, जिल्हा आणि देशाचा अभिमान असतो,” असे सांगत त्यांनी उपस्थित खेळाडूंमध्ये नवचैतन्य निर्माण केले.
या कार्यक्रमाला जिल्हा क्रीडा अधिकारी, अॅथलेटिक्स असोसिएशनचे पदाधिकारी, ‘मेरा युवा भारत’चे प्रतिनिधी तसेच मोठ्या संख्येने खेळाडू, पालक आणि क्रीडाप्रेमी उपस्थित होते.