Mehkar :
Mehkar तालुक्यातील Hivra Khurd परिसरातील सारंगवाडी प्रकल्पाच्या कामावर अवैध गौणखनिज उत्खनन केल्याप्रकरणी तब्बल २९ कोटी १८ लाख ७७ हजार १२४ रुपयांचा दंड ठोठावूनही तो न भरल्याने पुण्यातील Waterfront Construction Pvt. Ltd. या कंपनीच्या व्यवस्थापकांविरुद्ध गुन्हा दाखल करण्यात आला आहे.
मेहकरचे तहसीलदार Nilesh Madke यांच्या तक्रारीवरून Janephal पोलिसांनी कंपनीचे व्यवस्थापक Anil Sureshchandra Mundada व Harshad Suresh Mundada (रा. आनंद पार्क, औंध, पुणे) यांच्यासह इतरांविरुद्ध भादंवि कलम ३७९ तसेच Maharashtra Land Revenue Code 1966, Environment Protection Act 1986 आणि Mines and Minerals Development and Regulation Act 1957 अंतर्गत गुन्हा दाखल केला आहे.
तपासात समोर आले की, हिवरा खुर्द (सारंगवाडी) येथील गट क्रमांक ५४९ मध्ये सप्टेंबर २०१३ ते एप्रिल २०१५ या कालावधीत कोणतीही महसूल विभागाची परवानगी न घेता मोठ्या प्रमाणावर गौणखनिजाचे उत्खनन करण्यात आले. तसेच विनापरवानगी गिट्टी क्रेशर मशीन चालवून मोठ्या प्रमाणावर खनिज काढण्यात आले.
या प्रकरणात तब्बल १० लाख ६४ हजार ३२० घनमीटर (३ लाख ७६ हजार ८४ ब्रास) गौणखनिजाचे उत्खनन केल्याचे चौकशीत उघड झाले. यामुळे शासनाला मोठा आर्थिक तोटा झाला. महसूल विभागाने फेरचौकशी करून कंपनीला २२ कोटी ५६ लाख ५० हजार ४०० रुपयांचा दंड ठोठावला. त्यानंतरही उत्खनन सुरूच ठेवल्याने दुसऱ्या आदेशानुसार ६ कोटी ६२ लाख २६ हजार ७२४ रुपये दंड आकारण्यात आला. अशा प्रकारे एकूण २९ कोटी १८ लाख ७७ हजार १२४ रुपयांचा दंड निश्चित करण्यात आला.
विधिमंडळातही मुद्दा गाजला
या प्रकरणाकडे Shweta Mahale यांनी विधिमंडळात लक्ष वेधले होते. त्यावर उत्तर देताना महसूलमंत्री Chandrashekhar Bawankule यांनी सांगितले की, संबंधित कंत्राटदाराचे सुमारे ४० कोटी रुपयांचे बिल शासनाकडे प्रलंबित असून त्या बिलातून दंडाची रक्कम वसूल करण्याची प्रक्रिया सुरू आहे.
या प्रकरणाचा तपास करण्यासाठी विशेष तपास पथक नेमण्यात आले असून त्याचा अंतिम अहवाल आल्यानंतर पुढील कारवाई करण्यात येणार असल्याचेही त्यांनी स्पष्ट केले होते.
दरम्यान तहसीलदार नीलेश मडके यांनी दिलेल्या तक्रारीवरून आरोपींविरुद्ध गुन्हा दाखल करण्यात आला असून इतर आरोपींची नावे अद्याप समोर आलेली नाहीत. या प्रकरणाचा पुढील तपास पोलीस उपनिरीक्षक संतोष जाधव करीत आहेत
Users Today : 12