ऊळगाव मही येथे धनगर समाजाकडून काळी गुढी उभारून निषेध शासनाच्या धोरणाविरोधात आंदोलनाचा इशारा

Deulgaon Mahi–

धनगर समाजावर गेल्या अनेक वर्षांपासून होत असलेल्या अन्यायाच्या पार्श्वभूमीवर देऊळगाव मही येथे सकल धनगर समाजाच्या वतीने काळी गुढी उभारून राज्य शासनाचा निषेध करण्यात आला. गुढीपाडव्याच्या मुहूर्तावर उभारण्यात आलेली ही काळी गुढी शासनाच्या उदासीनतेचे प्रतीक असल्याचे आंदोलनकर्त्यांनी सांगितले.

समाजाच्या विविध प्रलंबित मागण्यांकडे सातत्याने दुर्लक्ष होत असल्यामुळे धनगर समाजात तीव्र असंतोष निर्माण झाल्याचे यावेळी सांगण्यात आले. समाजाचे नेते Deepak Borade यांनी १६ मार्चपासून Azad Maidan येथे उपोषण सुरू केले आहे. मात्र, त्यांच्या आंदोलनाकडे शासनाने दुर्लक्ष केल्याचा आरोप करण्यात आला.

आंदोलनकर्त्यांच्या म्हणण्यानुसार, आंदोलनस्थळी शासनाकडून कोणतेही शिष्टमंडळ पाठविण्यात आले नसल्याने समाजामध्ये नाराजी अधिक वाढली आहे.

या वेळी आदित्य चोपडे, नामदेव खंडागळे, अमोल गुरव, पवन पान्नासे यांच्यासह स्थानिक नागरिकांनी काळी गुढी उभारून शासनाच्या धोरणाचा निषेध नोंदविला.

धनगर समाजाच्या विविध मागण्यांबाबत शासनाने लवकरात लवकर सकारात्मक निर्णय घेतला नाही, तर येत्या काळात राज्यभर अधिक तीव्र व व्यापक आंदोलन उभारण्यात येईल, असा इशारा कारभारी देढे यांनी दिला.

दरम्यान, या आंदोलनाच्या माध्यमातून संपूर्ण महाराष्ट्रातील धनगर समाज एकवटत असून विविध ठिकाणी अशाच प्रकारे निषेध नोंदविण्यात येत असल्याचेही सांगण्यात आले.