सुलतानपूरमध्ये लवकरच बँक शाखा; नागरिकांना दिलासा

Sultanpur :
सुलतानपूर परिसरातील नागरिकांसाठी लवकरच State Bank of India (एसबीआय) ची नवीन शाखा सुरू होण्याची शक्यता निर्माण झाली आहे. या संदर्भात Sanjay Lahoti यांच्या प्रयत्नांना यश येताना दिसत आहे.

या संदर्भात संजय लाहोटी यांनी Nandkumar Singh यांची भेट घेत सुलतानपूरमध्ये एसबीआयची शाखा सुरू करण्याबाबत सविस्तर चर्चा केली. यावेळी मुख्य प्रबंधक नंदकुमार सिंह यांनी सुलतानपूरमध्ये शाखा सुरू करण्याबाबत सकारात्मक भूमिका दर्शवित लवकरच शाखा सुरू करण्याचे आश्वासन दिले.

या शाखेमुळे परिसरातील नागरिक, व्यापारी, बचत गट, शेतकरी तसेच विद्यार्थ्यांना बँकिंग सेवा सहज उपलब्ध होणार आहे. विशेषतः Dr. R. N. Lahoti Group of Colleges येथे शिक्षण घेणाऱ्या हजारो विद्यार्थ्यांना आर्थिक व्यवहार करणे अधिक सोयीचे होणार आहे.

सध्या परिसरातील नागरिकांना बँकिंग सेवेसाठी Mehkar आणि Lonar येथील एसबीआय शाखांवर अवलंबून राहावे लागते. त्यामुळे सुलतानपूरमध्ये शाखा सुरू झाल्यास नागरिकांचा प्रवासाचा त्रास मोठ्या प्रमाणात कमी होणार आहे.

सुलतानपूर परिसरात राष्ट्रीयीकृत बँकेची शाखा सुरू व्हावी, ही नागरिकांची दीर्घकाळापासूनची मागणी होती. संजय लाहोटी यांच्या सातत्यपूर्ण पाठपुराव्यामुळे ही मागणी आता पूर्णत्वास जाण्याची शक्यता निर्माण झाली असून परिसरातील नागरिकांमध्ये समाधानाचे वातावरण निर्माण झाले आहे.