योग्य वयात विवाह झाल्यास सामाजिक समस्या टळतील – दीपक चोपडा

Akola :
जैन समाजामध्ये विवाहयोग्य युवक-युवतींचे विवाह योग्य वेळी होत नसल्याने भविष्यात अनेक कुटुंबांमध्ये विविध पारिवारिक समस्या निर्माण होत आहेत. या समस्या टाळण्यासाठी पालकांनी युवक-युवतींचे विवाह योग्य वयात करून दिल्यास समाजासमोरील अडचणी कमी होतील, असे प्रतिपादन Deepak Chopra यांनी केले.

Bharatiya Jain Sanghatana (बीजेएस) तर्फे आयोजित राष्ट्रीय संवाद यात्रेचे Akola येथे २० मार्च २०२६ रोजी शेकडो पदाधिकारी व कार्यकर्त्यांकडून स्वागत करण्यात आले. त्यानंतर ओसवाल भवन येथे पार पडलेल्या विदर्भ विभागीय कार्यकर्ता संवाद मेळाव्यात मार्गदर्शन करताना ते बोलत होते.

यावेळी Ketan Shah आणि Pravin Parakh यांनीही उपस्थितांना मार्गदर्शन केले. संघटनेच्या राष्ट्रीय संवाद यात्रेद्वारे देशातील १३ राज्यांमध्ये जिथे जिथे जैन समाज वास्तव्यास आहे त्या भागात जाऊन संघटनेच्या सामाजिक कार्याची माहिती देण्याचे काम सुरू असल्याचे त्यांनी सांगितले.

संघटनेचे संस्थापक अध्यक्ष Shantilal Mutha आणि राष्ट्रीय अध्यक्ष Nandkumar Sakhala यांच्या मार्गदर्शनाखाली विविध चॅप्टरच्या माध्यमातून फाउंडेशन कार्यक्रमांचे आयोजन करण्यात येत आहे. तसेच १४ ते १८ वयोगटातील युवतींना आत्मनिर्भर बनविण्यासाठी विशेष प्रशिक्षण कार्यक्रमही राबविण्यात येत असल्याची माहिती देण्यात आली.

यावेळी राज्यातील पाणीटंचाई लक्षात घेता Galmukt Dharan Galyukt Shivar Yojana ही योजना मोठ्या प्रमाणात राबविली जात असल्याचाही उल्लेख करण्यात आला.

‘परिणय पथ’ उपक्रमाची माहिती

जैन समाजातील विवाहयोग्य युवक-युवतींचे विवाह वेळेत व्हावेत यासाठी बीजेएसच्या वतीने जिल्हा आणि विभाग स्तरावर ‘परिणय पथ’ या उपक्रमाचे आयोजन केले जात आहे. या कार्यक्रमांतर्गत उच्चशिक्षित युवक-युवतींसाठी पंचतारांकित हॉटेलमध्ये विशेष परिचय मेळावे आयोजित करण्यात येत असून या उपक्रमाला चांगला प्रतिसाद मिळत असल्याचे सांगण्यात आले.

या कार्यक्रमाला विदर्भ अध्यक्ष कीर्तीकुमार बायकोस, राज्य कार्यकारिणी सदस्य सन्मती जैन, प्रा. सुभाष गादिया, विमल जैन, निलेश गोठी, ममता जैन, माजी अध्यक्षा प्रेरणा शाह यांच्यासह शेकडो समाजबांधव उपस्थित होते.