आ. सिद्धार्थ खरातांविषयी एकेरी बोलल्यास शिवसेना स्टाइलने उत्तर देऊ – श्याम निकम यांचा इशारा

मेहकर –

वडाळीच्या युवकांचा शिवसेना (उबाठा) मध्ये प्रवेश कायम असल्याचा दावा

तालुक्यातील Wadali येथील युवकांनी आमदार Siddharth Kharat यांच्या नेतृत्वावर विश्वास ठेवत १५ मार्च रोजी शिवसेना (उबाठा) पक्षात जाहीर प्रवेश केला असल्याचा दावा पक्ष पदाधिकाऱ्यांनी केला आहे. या पार्श्वभूमीवर आमदारांविषयी कोणीही एकेरी भाषेत बोलल्यास त्याला “शिवसेना स्टाइलने उत्तर दिले जाईल”, असा इशारा तालुका संघटक Shyam Nikam यांनी दिला.

माजी आमदार Sanjay Raymulkar यांनी घेतलेल्या पत्रकार परिषदेत वडाळीतील युवकांना बळजबरीने शिवसेना (उबाठा) मध्ये प्रवेश दिल्याचा आरोप केला होता. या आरोपांचे खंडन करण्यासाठी जनसंवाद कार्यालयात पत्रकार परिषद घेण्यात आली. यावेळी उपजिल्हाप्रमुख Ashish Rahate, देऊळगाव साखर्शा सर्कलप्रमुख Pandit Deshmukh, तसेच दत्ताभाऊ घनवट उपस्थित होते.

पत्रकार परिषदेत बोलताना Shyam Nikam म्हणाले की, वडाळीतील युवकांनी स्वेच्छेने शिवसेना (उबाठा) पक्षात प्रवेश केला आहे. “आम्ही ठाकरे सेनेचे शिवसैनिक आहोत आणि यापुढेही पक्षासोबतच राहणार आहोत,” असे प्रवेशित युवकांनी स्पष्ट केले.

माजी आमदार संजय रायमूलकर हे वारंवार पत्रकार परिषदेत आमदार सिद्धार्थ खरात यांच्याबद्दल एकेरी भाषेत बोलतात. त्यांनी अशी भाषा टाळावी, अन्यथा त्यांना त्याच भाषेत ‘अरे ला कारे’ असे उत्तर दिले जाईल, असा इशाराही निकम यांनी दिला.

यावेळी त्यांनी विकासकामांवरही प्रश्न उपस्थित करत, “१५ वर्षे सत्ता असताना छत्रपती शिवाजी महाराजांच्या पुतळ्यांकडे दुर्लक्ष करण्यात आले. आता ६४ पुतळे बसविल्याचा दावा केला जात आहे. हा पैसा कुठून आला?” असा सवाल उपस्थित केला.

दरम्यान, आमदार Siddharth Kharat हे शेतकरी, कष्टकरी, लघु व्यापारी, लोणार विकास आराखडा, शेतरस्ते, स्मशानभूमी, शाळा, अंगणवाडी, शिक्षण आणि बेरोजगारी यांसारख्या प्रश्नांवर विधानसभेत आवाज उठवत असल्याचेही त्यांनी नमूद केले.

वडाळी गावातील पिण्याच्या पाण्याचा प्रश्न लवकरच मार्गी लावला जाईल. तोपर्यंत पंचायत समितीने टँकर उपलब्ध करून दिल्यास आपल्या विहिरीवरून गावाला मोफत पिण्याचे पाणी देण्याची तयारी असल्याचेही Shyam Nikam यांनी सांगितले.

यावेळी सुरेश शिंदे, महादेव जटाळे, प्रवीण धंदरे, शिवराज गायकवाड, ज्ञानेश्वर शिंदे, महेश धंदरे, ज्ञानेश्वर लठाड, विशाल गडदे आणि सोमनाथ शिंदे आदी युवक उपस्थित होते.