खोज मास्टर ब्युरो-राज्यातील अनेक जिल्ह्यांत सध्या मुसळधार पाऊस सुरु आहे. यंदा मान्सूनचा पाऊस वेळेवर पडल्यामुळे शेतकरी वर्ग चांगलाच सुखावला आहे. मान्सूनचा दुसऱ्या टप्प्यातील पाऊस सुरु झाला असून राज्यातील अनेक जिल्ह्यांना मुसळधार पावसाचा इशारा देण्यात आला आहे.
मुंबईसह संपूर्ण कोकण व मराठवाड्यातील औरंगाबाद सोडून सर्व जिल्ह्यांत तसेच मध्य महाराष्ट्रातील पुणे, सातारा, कोल्हापूर, सोलापूर आणि विदर्भातील अमरावती, वर्धा, यवतमाळ, चंद्रपूर, गडचिरोली जिल्ह्यांत सप्टेंबर महिन्यात सरासरीपेक्षा जास्त (109 टक्क्यांपेक्षा अधिक) पाऊस पडण्याची शक्यता हवामान विभागाकडून (Weather Department) वर्तविण्यात आली आहे.
भारतीय हवामान विभागाने येत्या काही दिवसांत भारताच्या अनेक भागात मुसळधार पावसाचा अंदाज वर्तवला आहे. हवामान खात्याच्या मते, या आठवड्यात म्हणजे 2 सप्टेंबरला लक्षद्वीप, मेघालय, तामिळनाडू, दक्षिण आतील कर्नाटक, 3 सप्टेंबरला केरळ आणि उत्तराखंड, पश्चिम बंगाल आणि सिक्कीम, अरुणाचल प्रदेश आणि आसाममध्ये 4 तारखेला अतिवृष्टी होण्याची शक्यता आहे. व्यक्त केले आहे.
अशा परिस्थितीत मुसळधार आणि अतिवृष्टीची शक्यता असल्याने हवामान खात्याने लोकांसाठी आवश्यक सूचना जारी केल्या आहेत. यामध्ये पावसाचे दुष्परिणाम व त्यापासून बचाव करण्याबाबत विभागाने आवश्यक सल्ला दिला आहे.
मुसळधार पावसामुळे रस्त्यांना नाल्यांचे स्वरूप येऊ शकते. सखल भागाला मोठ्या प्रमाणात पाण्याचा सामना करावा लागणार आहे. तसेच, मुसळधार पावसामुळे शहरी भागातील अंडरपास देखील बंद होऊ शकतात.मुसळधार पावसामुळे, गाडी चालवताना नीट दिसण्यात अडचण येऊ शकते, जी रस्ता अपघातात कारणीभूत ठरू शकते. मुसळधार पावसामुळे रस्ते जलमय होतील, ज्यामुळे प्रवासासाठी जास्त वेळ लागू शकतो आणि मोठ्या शहरांमध्ये वाहतूक ठप्प होऊ शकते.
जर तुम्हाला कोणत्याही महत्त्वाच्या कामासाठी बाहेरगावी जायचे असेल तर सर्वप्रथम तुमच्या मार्गाचे हवामान आणि वाहतूक जाणून घ्या. मुसळधार पावसामुळे बनवलेले वाहतूक नियम आणि वाहतूक सल्ले अवश्य पाळा. जिथे मुसळधार पावसात अनेकदा पुराचा सामना करावा लागतो.
पावसाळ्यात वाहनांच्या वायपरचे काम करणे अत्यंत गरजेचे आहे. त्यात काही अडचण आल्यास त्वरित दुरुस्त करा. पावसाच्या वेळी विजांचा कडकडाट आणि सोसाट्याचा वारा येण्याचा धोका असतो. त्यामुळे अशा हवामानात आपण कमी बाहेर जावे व वाहन बाहेर पार्क करू नये.