महाडिबिटी प्रणालीवर विदयार्थ्यांनी ऑनलाईन शिष्यवृती अर्ज करण्याचे आवाहन

अकोला  –    सामाजिक न्याय व विशेष सहाय्य विभाग व इतर मागास बहुजन कल्याण विभाग यांच्या संयुक्त विद्यमान महाडिबिटी प्रणालीवरील अनुसूचित जाती, विजाभज, इमाव व विमाप्र वर्गाकरीता विद्यार्थ्याकरीता शासनाव्दारे विविध   योजना राबविण्यात येतात. या योजनाचा लाभ घेण्यासाठी  विद्यार्थ्यांनी महाडिबीटीच्या  संकेतस्थळावर ऑनलाईन अर्ज करावा, असे आवाहन   समाज  कल्याणचे  सहाय्यक  आयुक्त डॉ. अनिता राठोड यांनी केले आहे.

अनुसूचित जाती, विजाभज, इमाव व विमाप्र प्रवर्गाकरीता विद्यार्थ्यांकरीता भारत सरकार मॅट्रिकोत्तर शिष्यवृती, मॅट्रिकोत्तर शिक्षण फी परिक्षा फी प्रदाने, राजर्षी छत्रपती शाहू महाराज गुणवत्ता शिष्यवृती योजना, व्यावसायिक पाठयक्रमाशी संलग्न वसतीगृहातील विद्यार्थ्यांना विद्यावेतन व व्यवसाय प्रशिक्षण शुल्क प्रतिपूर्ती योजना राबविण्यात येत आहे. या योजनाकरीता माहिती व तंत्रज्ञान विभागामार्फत 2022-23 शैक्षणिक वर्षातील महाडिबिटी पोर्टलवर नविन व नुतनीकरणाचे अर्ज भरण्यांची सुविधा दि. 21 सप्टेंबरपासून उपलब्ध करून देण्यांत आली आहे. जिल्ह्यातील सर्व संस्था व महाविद्यालयाच्या प्राचार्य व मागास प्रवर्गातील विद्यार्थ्यांनी mahadbtmahait.gov.in  या महाडिबीटी  संकेतस्थळावर ऑनलाईन  नोंदणी करावी.  विहित वेळेत   विद्यार्थ्यांचे  अर्ज भरून घेण्याची जबाबदारी संबधित महाविद्यालयाची राहिल. तरी जिल्ह्यातील महाविद्यालय व विद्यार्थ्यांनी शासनाच्या  योजनाचा लाभ घेण्याकरीता महाडिबिटी संकेतस्थळावर ऑनलाईन अर्ज करावा.

आदिवासी विभाग; महाडिबीटी प्रणालीवर शिष्यवृत्तीसाठी अर्ज मागविले

एकात्मिक आदिवासी विकास प्रकल्पामार्फत भारत सरकार शिष्यवृती अंतर्गत अनुसुचित जमातीच्या विद्यार्थ्यांकरीता शासनाव्दारे विविध   योजना राबविण्यात येतात. या योजनाचा लाभ घेण्यासाठी  विद्यार्थ्यांनी महाडिबीटीच्या संकेतस्थळावर दि. 21 सप्टेंबरपासून सुरु झाली असून विद्यार्थ्यांनी ऑनलाईन अर्ज करावा, असे आवाहन एकात्मिक आदिवासी विकास प्रकल्पाचे सहायक प्रकल्प अधिकारी यांनी केले आहे.

 एकात्मिक आदिवासी विकास प्रकल्पाअंतर्गत जिल्ह्यातील सर्व शासकिय, निमशासकिय, अनुदानित, कायम विना अनुदानित महाविदयालयांना भारत सरकार शिष्यवृती अंतर्गत अनुसुचित जमातीच्या विद्यार्थ्यांकरीता भारत सरकार शिष्यवृती, शिक्षण शुल्क, परिक्षा शुल्क व इतर योजनाकरीता अर्ज करण्यासाठी mahadbtmahait.gov.in ऑनलाईन पोर्टल सुरु केले आहे. त्यानूसार जिल्ह्यातील महाविद्यालयामध्ये शिक्षण घेत असलेल्या अनुसुचित जमातीच्या विद्यार्थ्यांनी शासनाच्या विविध योजना सन 2022-23 या सत्रातील नवीन तथा नुतनीकरण अर्ज तात्काळ mahadbtmahait.gov.in  या प्रणालीवर ऑनलाईन भरण्यात यावे. तसेच महाविद्यालयाच्या प्राचार्यांनी सन 2021 -22 व 2022-23 या वर्षातील महाविद्यालय स्तरावरील विविध कारणास्तव प्रलंबित असलेले अनुसुचित जमातीच्या विद्यार्थ्यांचे नविन अर्ज तसेच नुतनीकरण अर्ज तात्काळ  तुटी पुर्तता करून प्रकल्प अधिकारी, एकात्मिक आदिवासी विकास प्रकल्प अकोला या कार्यालयाच्या लॉगीनला मंजूरीसाठी पाठविण्यात यावे. तसेच विद्यार्थ्यांच्या अर्जाची हॉर्ड कॉपी महाविद्यालय स्तरावर जतन करून ठेवण्यात यावी. अनुसूचित जमातीच्या विद्यार्थ्यांनी विहीत मुदतीत अर्ज भरून महाविद्यालय स्तरावर सादर करावे. यासाठी महाविद्यालयात सुचना फलकावर सुचना लावून वर्गामध्ये नोटीस फिरवावी. अनुसूचित जमातीचा विद्यार्थी भारत सरकार शिष्यवृती व इतर योजनापासून वंचित राहिल्यास याची संपूर्ण जबाबदारी ही महाविद्यालयाची राहिल यांची नोंद घ्यावी.