जव्हार प्रकल्प कार्यालयात वस्तु विक्री स्टाॅलचे उदघाटन.

आदिवासी विकास आयुक्तालय,नाशिक यांच्या  निर्देशान्वये जव्हार प्रकल्प कार्यालयामध्ये स्टॉलचे उदघाटन  26 जानेवारी,2023 रोजी करणेबाबत निर्देशीत केले आहे.त्यानुसार 26 जानेवारी,2023 या दिवसाचे औचित्य साधुन प्रकल्प कार्यालय,जव्हार येथे आदिवासी कुटुंबांनी /लाभार्थ्यांनी उत्पादित केलेल्या वस्तु, संस्कृतीशी निगडीत साहित्य /वस्तु विक्रीसाठी स्टॉल लावण्यात आले,व वस्तु साहित्य विक्रीसाठी कायम स्वरुपी कलादालन सुविधा उपलब्ध करुन देण्यात आले. सदरच्या कार्यक्रमास मा.आयुषी सिंह,(भा.प्र.से.) प्रकल्प अधिकारी तथा सहाय्यक जिल्हाधिकारी, व मा.विजय मोरे,सहाय्यक प्रकल्प अधिकारी, तसेच कार्यालयीन अधिकारी/कर्मचारी उपस्थित होते, सदरच्या उपक्रमात बचतगट व वैयक्तिक लाभार्थ्यांनी भाग घेतले असून,कार्यलयीन कर्मचाऱ्यांनी खरेदीसाठी चांगले प्रमाणात प्रतिसाद दिले.