गजानन माळकर जालना जिल्हा प्रतिनिधी मंठा.
तळणी, मंठा तालुक्यातील तळणी येथून जवळच असलेल्या दहिफळ खंदारे येथील रहीवाशी असुन आज दि.१२/०५/२०२३ रोजी दुपारी दोन ते अडीच वाजले दरम्यान घडली असुन संजय अंकुश पवार ( अंदाजे वय ३४) या व्यक्तीने स्वतःच्या राहत्या घरी दारूच्या नशेत धुंद राहुन पत्नी नामे संगीता संजय पवार (वय ३०)यांच्या डोक्यावर लोखंडी साहीत्याने सपा सप वार करून डोक्यावर जबर मार लागल्याने स्त्रीचा जागीच मृत्यू झाला. तर
संजय अंकुश पवार यांनी पत्नीचा जागीच मृत्यू झाल्याचे पाहुन भीती पोटी पळ काढून आनंदवाडी रोडवरील दहिफळ खंदारे शिवारातील क्रेशर मशीन जवळ आंब्याच्या झाडाला गळफास घेऊन आत्महत्या केली.
या बाबत विशेष माहिती अशी की, सदरील व्यक्तीला दोन भावात पाच ते सहा एकर शेती असुन तो शेती व मंजुरी करत असुन अचानक पती-पत्नीत वाद होऊन हा प्रकार घडला असल्याचे समजते….
ही बातमी समजताच मंठा पोलीस हजर झाले व तेथील बघ्याची गर्दी हटवून दोघांचा मृत्यू झाल्याचे पाहून शवविच्छेदनासाठी ग्रामीण रूग्णालय मंठा येथे हलविण्यात आले असल्याचे समजले.
सदरील दाम्पत्यास दोन मुली एक मुलगा असुन तिन्ही मुले लहान असुन आता त्यांचे काय होईल म्हणुन परीसरात हळहळ व्यक्त होत आहे.
पुढील तपास मंठा पोलीस ठाण्याचे पोलीस निरीक्षक संजय देशमुख यांच्या मार्गदर्शनाखाली पोलीस उपनिरीक्षक राऊत व तळणी बिट जमादार सुभाष राठोड हे नेमका प्रकार कशामुळे घडला असा तपास करीत असल्याचे समजले…