पुणे.सामान्य नागरिकांना स्वतःचे घर उपलब्ध करून देण्यासाठी पुणे गृहनिर्माण क्षेत्रविकास प्राधिकरणामार्फत (म्हाडा) प्रयत्न करण्यात येत आहे. येत्या वर्षभरात विविध गृहनिर्माण योजनेंतर्गत सुमारे एक लाख घरे नागरिकांना उपलब्ध करून देण्यात येणार आहे, अशी घोषणा गृहनिर्माण मंत्री अतुल सावे यांनी केली.
सावे म्हणाले, ‘नागरिकांच्या हक्काच्या घरांचे स्वप्न पूर्ण करण्यासाठी प्रधानमंत्री नरेंद्र मोदी यांनी ‘सर्वांसाठी घरे’ देण्याची संकल्पना मांडली. त्यानुसार राज्य व केंद्र सरकार मिळून प्रधानमंत्री आवास योजनांसारख्या विविध योजनांच्या माध्यमातून नागरिकांना हक्काची घरे उपलब्ध करुन दिली जात आहेत. पुणे म्हाडाच्या आजच्या सोडतीत उपलब्ध सदनिकांच्या तुलनेत सुमारे दहापटीने अर्ज प्राप्त झाले. म्हाडाच्यावतीने आतापर्यंत नागरिकांना पाच लाख लाख १४ हजार घरे उपलब्ध केली आहेत. म्हाडाची सोडत प्रक्रिया पूर्णपणे ऑनलाईन असून अतिशय पारदर्शक आहे, नागरिकांनी अफवांवर विश्वास ठेवू नये.’
जयस्वाल म्हणाले, सामान्य नागरिकांना हक्काचे घरे उपलब्ध करुन देण्यासाठी म्हाडाच्यावतीने सुमारे नऊ लाख परवाडणाऱ्या घरांची निर्मिती केली आहे. पुणे म्हाडाच्यावतीने विविध उतपन्न गटातील सुमारे ३५ हजार सदनिका, सात हजार ८०० भूखंड आणि ७५५ गाळे वितरीत करण्यात आले आहे. सद्यस्थितीत विविध योजनेअंतर्गत तीन हजार ७४० सदनिकांची निर्मिती प्रगतीपथावर आहे. म्हाडातर्फे ५९२ भूखंड वितरीत करण्यात आले आहे. जुन्या इमारतींचे पुर्नविकास करण्याची कार्यवाही करण्याच्यादृष्टीने गती देण्याचे प्रस्तावावर कार्यवाही सुरु आहे.’ यावेळी सावे यांच्या हस्ते विजेत्यांना निकालपत्रे देण्यात आली.
Users Today : 20