पतीसोबत वाद, घरातून निघाली ती परत आलीच नाही; नंतर तलावात…बुलढाण्यात विवाहितेचं टोकाचं पाऊल

बुलढाणा : बुलढाणा जिल्ह्यातील खामगाव तालुक्यात धक्कादायक घटना समोर आली आहे. पतीसोबत वाद झाल्याने विवाहित तरुणी घरातून निघून गेली. त्यानंतर काही वेळाने तिचा मृतदेह आढळल्याने एकच खळबळ उडाली आहे. या घटनेनंतर परिसरात हळहळ व्यक्त होत आहे.

नेमकं काय घडलं?

खामगाव तालुक्यातील टेंभुर्णा शिवारात गजानन मुकुंदा काळे यांच्या शेतात मीरा बामणे आपल्या पतीसोबत राहत होत्या. २५ वर्षीय मीरा गजानन बामणे, या विवाहित तरुणीचा पतीसोबत शाब्दिक वाद झाला. पतीसोबत वाद झाल्यानंतर मीरा या रागाच्या भरात घरातून निघून गेल्या होत्या. वाद झाल्यानंतर त्या शेतामध्ये निघून गेल्या होत्या. बराच वेळ त्या पुन्हा घराकडे आल्या नाहीत.

शिवारातील तलावात मृतदेह आढळल्याने खळबळ

त्यामुळे घरातून निघून गेल्यानंतर गावातील नागरिक आणि नातेवाईकांनी विवाहितेची शोधाशोध सुरू केली. बराच वेळ त्यांची शोधाशोध सुरू होती. त्यांना सर्वत्र शोधण्यात आलं, मात्र त्या कुठेही आढळून आल्या नाहीत. अखेर मीरा यांचा मृतदेह सायंकाळी शेलोडी शिवारातील पाझर तलावात आढळून आला.

शाब्दिक भांडण, नंतर घरातून निघाल्या ते परत आल्याच नाही

२७ सप्टेंबर रोजी मृत महिला मीरा गजानन बामणे गावातील गजानन मुकुंदा काळे यांच्या शेतात राहतात आणि तिथेच मजुरीचं काम करत होत्या. त्या शेतात पती गजानन शेरु बामणे यांच्यासोबत मजुरीचं काम होत्या. काम करताना पती-पत्नी दोघांमध्ये शाब्दिक वाद झाला आणि मीरा रागाच्या भरात शेतात निघून गेल्या. त्यानंतर घडलेल्या घटनेने परिसरात शोक व्यक्त होत आहे.दरम्यान, मीरा यांच्या मृत्यूनंतर याप्रकरणी खामगाव ग्रामीण पोलिसांनी भारतीय नागरिक सुरक्षा संहिता कलम १९४ नुसार गुन्हा दाखल केला आहे. आता पुढील घटनेचा तपास पोलीस हेड कॉन्स्टेबल चव्हाण करत आहेत. अत्यंत शुल्लक कारणावरुन झालेल्या भांडणाचं रूपांतर बाचाबाचीत झालं. त्यानंतर तरुण विवाहित महिलेने इतकं टोकाचं पाऊल उचलल्याने परिसरात हळहळ व्यक्त केली जात आहे.