चंद्रपूर : चंद्रपूरच्या एका नामांकित शाळेतील एका अकरा वर्षीय शाळकरी मुलीवर शिक्षकानेच लैंगिक अत्याचार केल्याची तक्रार पीडीतेने कोरपना पोलिस स्टेशनमध्ये दाखल केली. पीडित मुलगी ही शाळेत क्लासेस करता आली असता, आरोपी शिक्षकाने ऑफिसमध्ये चल म्हणून पीडितेला घेऊन गेला. तिथे कोणीच नसल्याची संधी साधून पीडीतेला रागावून दोन गोळ्या खायला दिल्या आणि नंतर तिच्यावर लैंगिक अत्याचार केला. ”या घटनेची कल्पना पालकांना दिल्यास, तुझ्या घरच्यांना जीवे मारून टाकेन”, अशी धमकी तिला आरोपी शिक्षकाने दिली असल्याची धक्कादायक घटना समोर आली आहे. विशेष बाब म्हणजे आरोपी शहर युवक काँग्रेसचा अध्यक्ष आहे.चंद्रपुरात घडलेल्या एका घटनेनं शिक्षण विभाग आणि राजकारणात एकच खळबळ उडाली आहे. राजुरा विधानसभा क्षेत्रात येणाऱ्या कोरपना येथील शहर युवक काँग्रेसचा अध्यक्ष अमोल लोडे हा एका खासगी शाळेत शिक्षक पदावर कार्यरत आहे. उन्हाळ्यात तो अतिरिक्त वर्ग घेण्याच्या कारणाने विद्यार्थ्यांना शाळेत बोलवत असायचा. शाळेत येणाऱ्या एका अल्पवयीन मुलीचे त्याने लैंगिक शोषण केले. भीतीपोटी त्या मुलीने हा गंभीर प्रकार पालकांना सांगितला नाही. लैंगिक अत्याचार केल्यानंतर शिक्षक लोडे याने पीडित विद्यार्थिनीला घडलेला प्रकार कुणालाही सांगितला तर तुझ्या आई-वडिलांना जीवानिशी ठार मारू, अशी धमकी दिली होती. त्यामुळे पीडिताने घाबरून ही माहिती कुणालाही दिली नाही.मात्र, दोन दिवसांपूर्वी कुटुंबीयांना याबाबत माहिती मिळाली. त्यांनी पीडिताला विचारले असता तिने सर्व घडलेली घटना सांगितली. कुटुंबियांनी पोलिस ठाणे गाठून लोडे विरोधात तक्रार दाखल केली. पीडिताच्या तक्रारीवरून आरोपी अमोल लोडे याच्यावर कलम ३७६ पॉस्को अंतर्गत गुन्हा दाखल करण्यात आला आहे. तक्रार झाल्याची माहिती मिळताच आरोपी फरार झाला असून त्याचा शोध पोलीस घेत आहेत.
एकाचवेळी दोन अंत्ययात्रा; जिल्ह्यात हळहळ
जिल्ह्यात एका विद्यार्थ्यासह दोघांचा सर्पदंशाने मृत्यू झाल्याच्या घटना उघडकीस आल्या आहेत. या दोन घटनेत राज श्रीरंग मेश्राम (वय १०) आणि गणपत भोंडे अशी अशी मृतकांची नावे आहेत. विशेष म्हणजे जिल्ह्यातील अनेक प्राथमिक आरोग्य केंद्रात सर्पदंशाची लस नसल्याची माहिती पुढे आली होती.