महाराष्ट्रातील ९ खासगी शाळांची जबाबदारी अदानी समूहाकडे, शिंदे सरकारच्या निर्णयावर विरोधकांची टीका

चंद्रपूर : अदानी समूह चंद्रपूर जिल्ह्यातील घुग्घुस येथील एका खासगी शाळेचे व्यवस्थापन ताब्यात घेणार आहे. शाळेचं व्यवस्थापन अदानी समूहकडे देण्यास विरोधकांनी विरोध केला आहे. काँग्रेसच्या खासदार वर्षा गायकवाड यांनी, महाराष्ट्र सरकार अदानीशी बांधलेलं असल्याचा आरोप केला आहे. आधी महाराष्ट्रातील उद्योग गुजरातमध्ये नेले आणि आता शाळा … यापुढे महापालिका आणि ग्रामपंचायतीही अदानीकडे सोपवण्यात येतील अशी टीकाही त्यानी केली.

९ शाळा अदानींकडे जाणार

राज्यातील ९ शाळांच्या व्यवस्थापनाच्या हस्तांतरणासाठी राज्य सरकारने मान्यता दिली आहे. यापैकी एक चंद्रपूर जिल्ह्यातील माउंट कार्मेल कॉन्व्हेंट स्कूल आहे. या शाळेचं व्यवस्थापन अहमदाबाद येथील अदानी फाऊंडेशनकडे सोपवले जात आहे. राज्याच्या शालेय शिक्षण विभागाने याबाबतचा जीआर जारी केला आहे. या जीआरनंतर काँग्रेससह सर्व विरोधी पक्षांनी याला कडाडून विरोध केला आहे.

अदानींच्या हाती कमान

सध्या कार्मेल एज्युकेशन सोसायटी माउंट कार्मेल कॉन्व्हेंट हायस्कूल चालवत आहे. इयत्ता पहिली ते बारावीपर्यंत या शाळेत शिक्षण दिलं जात. जीआरनुसार, येत्या १५ दिवसांत या शाळेच्या व्यवस्थापनाला औपचारिकपणे अदानी फाऊंडेशनकडे हस्तांतरित करण्यास सांगण्यात आलं आहे.

शाळेच्या नियमांत कोणताही बदल होणार नाही

अदानी फाऊंडेशन शाळेचे विद्यार्थी टिकवून ठेवण्यास बांधील असेल, अस जीआरमध्ये नमूद करण्यात आलं आहे. शाळेतील शिक्षक आणि शिक्षकेतर कर्मचाऱ्यांचीही संपूर्ण जबाबदारी देखील अदानी फाउंडेशन घेणार आहे. शाळेच्या नियमांमध्ये कोणताही बदल होणार नसल्याचंही सांगण्यात आलं आहे.अदानी फाउंडेशनला सर्व नियमांचे पालन करावं लागेल, असही सांगण्यात आलं आहे. अदानी फाउंडेशनबाबत शालेय शिक्षण विभागाला अटी आणि शर्तींच्या उल्लंघनाची कोणतीही तक्रार मिळाल्यास, व्यवस्थापन बदली रद्द करण्याचा अधिकार राखून ठेवण्यात आले आहेत. मागील अनेक दिवसांपासून या शाळेचं व्यवस्थापन अदानींकडे येण्याची चर्चा होती, अखेर आता याला राज्य शासनाकडून मंजुरी मिळाली आहे.अदानी फाउंडेशनला सर्व नियमांचे पालन करावं लागेल, असही सांगण्यात आलं आहे. अदानी फाउंडेशनबाबत शालेय शिक्षण विभागाला अटी आणि शर्तींच्या उल्लंघनाची कोणतीही तक्रार मिळाल्यास, व्यवस्थापन बदली रद्द करण्याचा अधिकार राखून ठेवण्यात आले आहेत. मागील अनेक दिवसांपासून या शाळेचं व्यवस्थापन अदानींकडे येण्याची चर्चा होती, अखेर आता याला राज्य शासनाकडून मंजुरी मिळाली आहे.दरम्यान, याआधी चंद्रपूर जिल्ह्यातील अदानी समूहाने एसीसी आणि अल्ट्राटेक सिमेंट कंपनी घेतली, त्यानंतर आता त्यांनी शाळा हस्तांकरण केल्यानंतर जिल्ह्यात एकच चर्चा आहे.