अयोध्यानगर पोस्ट ऑफिसमधील रेल्वे काउंटर अचानक पाच दिवस बंद – नागरिकांची मोठी गैरसोय
नागपूर, २४ जून: दक्षिण नागपूरमधील अयोध्यानगर पोस्ट ऑफिसमधील रेल्वे तिकीट काउंटर नागरिकांसाठी एक महत्त्वाची सेवा आहे. मात्र, मंगळवारी (२४ जून) सकाळी नागरिक तिकीट काढण्यासाठी पोहोचले असता, पोस्ट ऑफिस बंद आणि गेटवर फक्त एक सूचना लावलेली होती – “रेल्वे काउंटर २४ ते २८ जूनपर्यंत बंद राहील.”
या अनपेक्षित बंदमुळे नागरिक चक्रावले. कुठलीही पूर्वसूचना न देता सेवा बंद केल्यामुळे अनेकांनी नाराजी व्यक्त केली. नागरिक म्हणतात की, “सरकारी सेवा असूनही नागरिकांना माहिती न देणे ही गंभीर बाब आहे. निदान एक दिवस आधी तरी सूचित केलं असतं तर गैरसोय टळली असती.”
काही नागरिकांनी असा आरोपही केला की, “हे कंत्राटी पद्धतीने चालवले जात असावे, त्यामुळेच मनमानीपणे सेवा थांबवली गेली. आम्हाला वाटत होतं ही सेंट्रल गव्हर्नमेंटची सेवा आहे, पण आता विश्वास डळमळीत होतो आहे.”
सुविधा असली तरी विश्वास गमावतोय?
रेल्वे तिकीट खरेदीसाठी सरकारी अधिकृत काउंटरवर येणाऱ्या नागपूरकरांना यामुळे नाहक त्रास सहन करावा लागला. अयोध्यानगर पोस्ट ऑफिसमधील रेल्वे काउंटर दररोज सकाळी ८ ते दुपारी २ या वेळेत कार्यरत असतो. रविवारी आणि शासकीय सुटीच्या दिवशी तो बंद राहतो. मात्र, सामान्य कार्यदिवसांमध्ये अशा पद्धतीने सेवा बंद ठेवणे नागरिकांच्या हिताविरोधात आहे, असा सूर नागरिकांमध्ये आहे.
नागरिकांची मागणी – पारदर्शकता हवी
“जर सेवा बंद करायची असेल, तर कमीत कमी एक दिवस आधी सूचना द्यावी,”
“स्थानीय प्रसारमाध्यमे, सोशल मीडिया किंवा एसएमएसद्वारे सूचना देणे शक्य आहे,”
“सार्वजनिक सेवा चालवताना जवाबदारी आणि पारदर्शकता पाळली पाहिजे.”
नागरिकांनी आता संबंधित अधिकाऱ्यांकडून उत्तर आणि उत्तरदायित्वाची मागणी केली आहे. अयोध्यानगर परिसरात ही एकमेव सेवा असल्यामुळे नागरिकांमध्ये नाराजीचा सूर वाढताना दिसतोय.
“टॉप ट्रेंडिंग ख़बरें”
पढ़ने के लिए लिंक पर क्लिक करें।”
👇👇👇👇👇👇👇👇👇
स्मार्ट शौचालय में अवैध वसूली — BJP पदाधिकारी गोपाल नगदीया ने NMC की पोल खोली, वीडियो वायरल
👉 स्मार्ट शौचालय में अवैध वसूली — BJP पदाधिकारी गोपाल नगदीया ने NMC की पोल खोली, वीडियो वायरल
👉 डमी स्कूलों का खेल खत्म! CBSE की सख्ती के बाद अब बिना नियमित उपस्थिति वाले छात्र 12वीं बोर्ड में नहीं बैठ पाएंगे — नागपुर में भी कोचिंग क्लास का बड़ा खुलासा, प्रशासन बना मूकदर्शक
👉 16 लाख के बिल के लिए 18 घंटे तक रोकी गई मृतक मरीज की डेड बॉडी — पुलिस के हस्तक्षेप के बाद मिली बॉडी — क्या इंसानियत मर गई है?
Users Today : 37