IND-A vs SA-A : भारताने दक्षिण आफ्रिकेवर तीन गडी राखून मिळवला विजय! ऋषभ पंतच्या नेतृत्वात दमदार पुनरागमन; मालिकेत 1-0 ने आघाडी

नवी दिल्ली ;-

भारत ए आणि दक्षिण आफ्रिका ए संघांदरम्यान सुरु असलेल्या औपचारिक कसोटी मालिकेच्या पहिल्या सामन्यात भारत ए संघाने दमदार कामगिरी करत तीन गडी राखून विजय मिळवला. या विजयानंतर भारताने मालिकेत 1-0 अशी आघाडी घेतली आहे.

कर्णधार ऋषभ पंतच्या नेतृत्वाखाली भारतीय संघाने दुसऱ्या डावात प्रभावी पुनरागमन करत दक्षिण आफ्रिकेला पराभूत केले. शेवटच्या दिवशी तनुष कोटियान आणि अंशुल कंबोज यांनी उत्कृष्ट फलंदाजी करत संघाला विजय मिळवून दिला.

🇿🇦 दक्षिण आफ्रिकेचा पहिल्या डावात वर्चस्व

सामन्याच्या पहिल्या डावात दक्षिण आफ्रिका ए संघाने 309 धावा केल्या.
त्याला प्रत्युत्तर देताना भारताचा पहिला डाव 234 धावांवर संपला, त्यामुळे आफ्रिकेला 75 धावांची आघाडी मिळाली.

दुसऱ्या डावात मात्र भारतीय गोलंदाजांनी कमाल केली आणि दक्षिण आफ्रिकेला फक्त 199 धावांवर गुंडाळले.

🇮🇳 भारताचा संघर्ष आणि पुनरागमन

विजयासाठी 275 धावांचे लक्ष्य घेऊन उतरलेल्या भारताचा सुरुवातीत 32 धावांवर तीन प्रमुख गडी बाद झाले.

• साई सुदर्शन – 12

• आयुष म्हात्रे – 6

• देवदत्त पडिक्कल – 5

यानंतर रजत पाटीदार (28 धावा) आणि कर्णधार ऋषभ पंत यांनी 87 धावांची भागीदारी करत डाव सावरला.
ऋषभ पंतने दमदार फलंदाजी करत 113 चेंडूत 90 धावा (11 चौकार, 4 षटकार) केल्या.

पंत बाद झाल्यानंतरही संघाने हार मानली नाही. तनुष कोटियान (30 चेंडूत 23 धावा), मानव सुथार (56 चेंडूत नाबाद 20) आणि अंशुल कंबोज (46 चेंडूत नाबाद 37) यांनी संयमी आणि जबाबदार खेळी करत भारताला तीन गडी राखून विजय मिळवून दिला.

तनुष कोटियान ठरला सामन्याचा हिरो

या सामन्यात तनुष कोटियानने फलंदाजी आणि गोलंदाजी दोन्हीत उत्कृष्ट प्रदर्शन करत संघाच्या विजयात मोलाचा वाटा उचलला.

• गोलंदाजीमध्ये एकूण 8 विकेट्स

• पहिल्या डावात 13 धावा, दुसऱ्या डावात 23 धावा
  या अष्टपैलू कामगिरीसाठी त्याला “प्लेयर ऑफ द मॅच” पुरस्काराने गौरविण्यात आले.

अंशुल कंबोजची साथ

अंशुल कंबोजनेही सामन्यात जबरदस्त प्रदर्शन करत एकूण 4 विकेट्स घेतल्या आणि शेवटच्या क्षणी नाबाद 37 धावा करून संघाला विजयाच्या उंबरठ्यावर नेले.

विजय आणि मालिकेतील आघाडी

या विजयासह भारत ए संघाने मालिकेत 1-0 अशी आघाडी घेतली आहे.
या विजयामुळे भारतीय महिला संघाच्या विश्वचषक अंतिम सामन्यापूर्वी वातावरण उत्साहपूर्ण झाले असून, क्रीडाप्रेमींमध्ये “पुरुष ए संघाने महिला संघाला गुडलक दिलं” अशी चर्चाही रंगली आहे.