नागपूर :
महिलांच्या अखिल भारतीय आंतरविद्यापीठ तायक्वांडो स्पर्धेसाठी Balasore येथे गेलेल्या Rashtrasant Tukadoji Maharaj Nagpur University च्या महिला तायक्वांडोपटूशी रेल्वेमध्ये गैरवर्तन झाल्याची धक्कादायक घटना रविवारी घडली.
मिळालेल्या माहितीनुसार, Fakir Mohan University यांच्या यजमानपदाखाली १५ ते २० मार्चदरम्यान महिलांच्या अखिल भारतीय आंतरविद्यापीठ तायक्वांडो स्पर्धा आयोजित करण्यात आली आहे. या स्पर्धेसाठी नागपूर विद्यापीठाचा संघ प्रशिक्षक व व्यवस्थापकांसह अहमदाबाद–पुरी एक्स्प्रेसने Bhubaneswar येथे पोहोचला.
मात्र स्पर्धेचे ठिकाण भुवनेश्वरपासून सुमारे २०० किमी दूर असल्याने पुढील प्रवासासाठी संघाला Falaknuma Express मध्ये जनरल तिकिटासह एस-२ कोचमध्ये प्रवास करावा लागला. गाडीत प्रचंड गर्दी असल्याचा फायदा घेत एका तरुणाने नागपूर विद्यापीठ संघातील एका महिला खेळाडूशी गैरवर्तन केले.
मात्र संबंधित तायक्वांडोपटूने धाडस दाखवत त्या तरुणाला पकडले. यानंतर माहिती मिळताच Railway Protection Force (RPF) ने त्या तरुणाला ताब्यात घेतले.
दरम्यान, या घटनेबाबत प्रतिक्रिया देताना नागपूर विद्यापीठाचे प्रभारी क्रीडा संचालक Dr Sambhaji Bhosale यांनी सांगितले की, “बालासोरपर्यंत आरक्षण मिळाले नसल्याने खेळाडूंना दुसऱ्या गाडीने प्रवास करावा लागला. गाडीत गर्दी असल्याने घडलेली ही घटना दुर्दैवी आहे. संघ नागपुरात परतल्यानंतर या प्रकरणाची सखोल चौकशी केली जाईल.”
या घटनेमुळे महिला खेळाडूंच्या सुरक्षेचा प्रश्न पुन्हा ऐरणीवर आला असून भविष्यात विद्यापीठाकडून महिला खेळाडूंच्या सुरक्षेसाठी अधिक ठोस उपाययोजना केल्या जातील का, असा प्रश्न उपस्थित केला जात आहे.
Users Today : 56