वेल्डन एएसपी गायकवाड साहेब! तंत्रज्ञानाच्या रणांगणावर पुन्हा ‘बुलढाणा पॅटर्न’ची मोहोर सीसीटीएनएस मानांकनात महाराष्ट्रात सलग दुसऱ्यांदा प्रथम क्रमांक

Buldhana

राज्यात कायदा-सुव्यवस्था राखण्याबरोबरच तंत्रज्ञानाचा प्रभावी वापर करून पोलीस दलाचे आधुनिकीकरण करण्याच्या दिशेने Buldhana Police दलाने पुन्हा एकदा उल्लेखनीय कामगिरी केली आहे. गुन्हे आणि गुन्हेगार ट्रॅकिंग नेटवर्क आणि प्रणाली (Crime and Criminal Tracking Network & Systems) या राष्ट्रीय प्रकल्पाच्या राज्यस्तरीय मानांकनात बुलढाणा जिल्ह्याने सलग दुसऱ्यांदा प्रथम क्रमांक पटकावत महाराष्ट्राचे लक्ष वेधून घेतले आहे.

या यशाचे प्रमुख शिल्पकार म्हणून जिल्ह्याचे अप्पर पोलीस अधीक्षक तथा सीसीटीएनएस नोडल अधिकारी Amol Gaikwad यांचे नाव विशेषत्वाने पुढे येत आहे. त्यांच्या नेतृत्वाखाली जिल्हा पोलीस दलाने तंत्रज्ञानाधारित पोलीसिंगमध्ये नवा आदर्श निर्माण केला आहे.

तंत्रज्ञानाच्या जोरावर ‘स्मार्ट पोलीसिंग’

आजच्या माहिती-तंत्रज्ञानाच्या युगात गुन्हेगारांवर कारवाई करण्यासाठी केवळ पारंपरिक साधने नव्हे तर संगणकीय कौशल्याचीही गरज आहे. ही बाब लक्षात घेऊन जिल्ह्याचे पोलीस अधीक्षक Nilesh Tambe यांच्या मार्गदर्शनाखाली आणि एएसपी अमोल गायकवाड यांच्या देखरेखीखाली जिल्ह्यातील ३४ पोलीस स्टेशन पूर्णपणे संगणकीकृत करण्यात आले आहेत.

गुन्ह्यांची नोंद, माहितीचे आदान-प्रदान, फॉरेन्सिक माहिती आणि ‘क्राय-मॅक’ सारख्या प्रणालींचा प्रभावी वापर करत बुलढाणा पोलीस दलाने राज्यात अव्वल स्थान मिळवले आहे.

२१० पैकी २१० गुणांची ऐतिहासिक कामगिरी

सीसीटीएनएस मूल्यमापनात जानेवारी २०२६ मध्ये जिल्ह्याने २१० पैकी २१० गुण मिळवत १०० टक्के अचूकता सिद्ध केली आहे. याआधी डिसेंबर २०२५ मध्येही जिल्हा प्रथम क्रमांकावर होता.
गेल्या सहा महिन्यांपासून बुलढाणा जिल्हा सातत्याने राज्यातील अव्वल पाच जिल्ह्यांमध्ये आहे.

या कामगिरीत खामगावचे अप्पर पोलीस अधीक्षक Dr. Shrenik Lodha यांचेही मोलाचे सहकार्य लाभले आहे.

टीमवर्कचे यश

सीसीटीएनएस प्रभारी अधिकारी सहाय्यक पोलीस निरीक्षक सचिन पाटील तसेच पोलीस अंमलदार सुनील वाघमारे, किरण चिंचोले, संतोष कायंदे, महिला पोलीस अंमलदार दिपमाला पुरंदरे, कविता पाडळे, प्रतिभा इंगळे, नगमा शेख आणि इतर कर्मचाऱ्यांनीही या मोहिमेत मोठे योगदान दिले आहे.

गायकवाड म्हणतात — “हे कर्मचाऱ्यांच्या कष्टाचे फळ”

आज अनेक जण यशाचे श्रेय स्वतःकडे घेण्याचा प्रयत्न करतात. मात्र एएसपी अमोल गायकवाड यांनी या यशाचे श्रेय संपूर्ण पोलीस कर्मचाऱ्यांना दिले आहे.

त्यांनी सांगितले की,
“हे यश केवळ आकड्यांचे नसून प्रत्येक पोलीस कर्मचाऱ्याच्या कष्टाचे आणि तंत्रज्ञानावरील निष्ठेचे फलित आहे.”