Khamgaon :
गावठाण शेतातील जमिनीच्या नमुना ८-अ नोंदीत दुरुस्ती करून अहवाल वरिष्ठांकडे पाठविण्यासाठी १० हजार रुपयांची लाच घेताना ग्रामसेवकाला लाचलुचपत प्रतिबंधक विभागाने रंगेहाथ पकडले. ही कारवाई खामगाव पंचायत समिती कार्यालयात २ एप्रिल रोजी करण्यात आली.
अटक करण्यात आलेल्या ग्रामसेवकाचे नाव विजय माधव गवई (वय ४२) असे असून तो Parkhed ग्रामपंचायतीत कार्यरत आहे. त्याच्याकडे Gardgaon ग्रामपंचायतीचा अतिरिक्त कारभारही सोपविण्यात आला होता.
तक्रारदाराची गावाबाहेर गावठाण शेतात जमीन असून त्या जमिनीच्या नमुना ८-अ नोंदीत बदल करून दुरुस्तीचा अहवाल वरिष्ठांकडे पाठविण्यासाठी आरोपी ग्रामसेवकाने ३० हजार रुपयांची लाच मागितली होती. तडजोडीअंती १० हजार रुपये देण्याचे ठरले.
तक्रारदाराने याबाबत Maharashtra Anti-Corruption Bureau कडे तक्रार केल्यानंतर सापळा रचण्यात आला. तक्रारीची पडताळणी केल्यानंतर आरोपीने लाच स्वीकारण्यास संमती दिल्याचे स्पष्ट झाले.
यानंतर २ एप्रिल रोजी एसीबीच्या पथकाने खामगाव पंचायत समिती कार्यालयातच सापळा रचून आरोपी विजय गवई याला १० हजार रुपयांची लाच घेताना रंगेहाथ पकडले.
ही कारवाई पोलीस निरीक्षक विलास गुसिंगे यांच्या नेतृत्वाखाली दीपक जाधव, जगदिश पवार, रणजित व्यवहारे, शैलेश सोनवणे, नितीन शेटे व अर्शद शेख यांनी केली. या कारवाईनंतर पंचायत समितीतील भ्रष्ट अधिकाऱ्यांमध्ये खळबळ उडाली आहे.
Users Today : 5