भारतीय क्रिकेटमधील सर्वात चर्चित आणि लोकप्रिय नावांपैकी एक असलेल्या Virat Kohli याने आपल्या आंतरराष्ट्रीय कारकिर्दीबाबत मोठे संकेत दिल्याने क्रिकेटविश्वात चर्चांना उधाण आले आहे. 2027 चा वनडे वर्ल्डकप खेळणार की नाही, याबाबत बोलताना विराटने केलेल्या वक्तव्यामुळे त्याच्या निवृत्तीच्या शक्यतांवर चर्चा सुरू झाली आहे.
आरसीबीच्या अधिकृत पॉडकास्टमध्ये बोलताना विराट कोहली म्हणाला की, त्याला क्रिकेटबद्दल प्रचंड आवड आहे आणि कोणतीही मालिका खेळण्यासाठी तो नेहमी तयार असेल. मात्र, “जर मला माझी योग्यता सिद्ध करण्याची वेळ आली, तर ती माझ्यासाठी योग्य जागा राहणार नाही,” असे सूचक विधान त्याने केले. या वक्तव्यामुळे 2027 वर्ल्डकपपूर्वीच तो आंतरराष्ट्रीय क्रिकेटमधून निवृत्ती घेऊ शकतो, अशी शक्यता व्यक्त केली जात आहे.
विशेष म्हणजे, ICC Men’s T20 World Cup 2024 जिंकल्यानंतर विराट कोहलीने टी-20 आंतरराष्ट्रीय क्रिकेटमधून निवृत्ती जाहीर केली होती. त्यानंतर त्याने मर्यादित स्वरूपातच क्रिकेट खेळण्यावर भर दिला. गेल्या काही काळात त्याच्या फॉर्मबाबतही सातत्याने चर्चा रंगत होती.
त्यानंतर इंग्लंड दौऱ्यापूर्वी त्याने कसोटी क्रिकेटमधूनही निवृत्ती घेतल्याच्या चर्चांना वेग आला होता. आता वनडे क्रिकेटबाबतही त्याच्या वक्तव्यामुळे चाहत्यांमध्ये अस्वस्थता वाढली आहे. विराट कोहलीचा जागतिक स्तरावर मोठा चाहतावर्ग असून सोशल मीडियावरही त्याची प्रचंड लोकप्रियता आहे. त्यामुळे त्याच्या प्रत्येक वक्तव्याकडे क्रिकेटप्रेमींचे बारकाईने लक्ष असते.
कुटुंबाला अधिक वेळ
Virat Kohli गेल्या काही वर्षांपासून पत्नी Anushka Sharma आणि मुलांसोबत London येथे वास्तव्यास आहे. तो अधूनमधून भारतात येत असतो. सोशल मीडियावर त्याचे लंडनमधील व्हिडीओ आणि फोटो अनेकदा व्हायरल होताना दिसतात.
विशेष म्हणजे, विराट आणि अनुष्का यांनी आपल्या दोन्ही मुलांना प्रसिद्धीपासून दूर ठेवण्याचा निर्णय घेतला असून, सध्या विराट क्रिकेटसोबतच कुटुंबाला अधिकाधिक वेळ देताना दिसत आहे.
Users Today : 27