शहादा तालुक्यातील सुलतानपूर येथील पिता पुत्र डॉक्टरास पोलीसांनी ठोकल्या बेड्या .

नंदुरबार -:शहादा तालुक्यातील सुलतानपुर येथील 2 बोगस डॉक्टरांविरुद् फौजदारी गुन्हा दाखल करण्यात आला.

     याबाबत अधिक माहिती अशी की, दि. 22 ऑगस्ट रोजी  शहादा तालुक्यातील सुलतानपुर येथील एका अल्पवयीन मुलीची प्रकृती बरी नसल्याने त्या मुलीच्या पालकांनी तिला सुलतानपुर गावातील मंगलाई क्लिनिक मध्ये औषधोपचाराकामी नेले होते . मंगलाई क्लिनिक मधील डॉ . राजेंद्र पाटील व त्यांचा मुलगा डॉ . विनोद पाटील यांनी अल्पवयीन मुलीची तपासणी करुन तिचेवर औषधोपचार केले , परंतु त्या अल्पवयीन मुलीला अस्वस्थ वाटू लागल्याने तिच्या पालकांनी तिला पुन्हा मंगलाई क्लिनिक मध्ये घेवून गेले . डॉ . राजेंद्र पाटील व व त्यांचा मुलगा डॉ . विनोद पाटील यांनी त्या अल्पवयीन मुलीला धुळे येथे घेवून जाणे बाबत सल्ला दिला म्हणून त्या अल्पवयीन मुलीच्या पालकांनी तिला धुळे येथे घेवून गेले होते .

        परंतु धुळे येथे औषधोपचारादरम्यानच त्या अल्पवयीन मुलीचा मृत्यु झाला . सदरची घटना घडल्यामुळे मृत मुलीच्या नातेवाईकांनी व गावातील नागरिकांनी मंगलाई क्लिनिक मधील डॉ . राजेंद्र पाटील व त्यांचा मुलगा डॉ . विनोद पाटील यांचे विरुध्द् कायदेशीर कारवाई करण्याची मागणी केली त्यानंतर डॉ . राजेंद्र पाटील व डॉ . विनोद पाटील यांनी केलेल्या उपचाराबाबत समिती गठन करण्यात आली . त्याअनुषंगाने शहादा विभागाचे उप विभागीय पोलीस अधीकारी श्रीकांत घुमरे व म्हसावद पोलीस ठाण्याचे पोलीस निरीक्षक निवृत्ती पवार यांनी मृत अल्पवयीन मुलीच्या नातेवाईकांची समजूत काढून मुलीवर अंत्यसंस्कार करण्यास सांगितले . त्यानंतर त्या अल्पवयीन मुलीच्या नातेवाईकांनी दुसऱ्या दिवशी सकाळी मृत अल्पवयीन मुलीवर अंत्यसंस्कार केले .  पोलीस अधीक्षक  पी . आर . पाटील यांनी मंगलाई क्लिनिक मधील डॉ . राजेंद्र पाटील व व त्यांचा मुलगा डॉ . विनोद पाटील यांचे वैद्यकीय परवाना नोंदणी याबाबत जिल्हा रुग्णालय , नंदुरबार यांचेकडे पाठपुरावा केला असता डॉ . राजेंद्र पाटील व त्यांचा मुलगा डॉ . विनोद पाटील यांचेकडे कोणत्याही प्रकारचा परवाना  नोंदणी प्रमाणपत्र नसल्याचे निदर्शनास आल्यानंतर डॉ . राजेंद्र ऊर्फ राजु श्रीपद पाटील वय -54, डॉ . विनोद राजेश ( राजेंद्र पाटील वय 31) दोन्ही रा . सुलतापुर ता . शहादा जि . नंदुरबार ह.मु. साई सेवाराम नगर शहादा जि . नंदुरबार यांचे विरुध्द् म्हसावद पोलीस ठाणे येथे 271/2022 भादंवि कलम 304 , 419 , 420,276 , 34 सह महा . वैदयकीय अधि 1961 चे कलम 33 33 ( अ ) प्रमाणे गुन्हा दाखल करण्यात आला असून दोन्ही आरोपीतांना दिनांक 06 नोव्हेंबर रोजी अटक करण्यात आलेली आहे व त्यांना 04 दिवसाची पोलीस कोठडी सुनावण्यात आली आहे .

  पोलीस अधीक्षक पी. आर. पाटील यांनी असे आवाहन केले आहे की ,