मुर्तिजापुर : आंतरभारतीचे राष्ट्रीय अध्यक्ष प्राचार्य सदाविजय आर्य यांना आंतरभारती मुर्तिजापुर च्या वतीने श्रध्दांजली.
आंतरभारतीचे राष्ट्रीय अध्यक्ष प्राचार्य सदाविजय आर्य यांचे 17 सप्टेंबर रोजी दुपारी – हदयगती बंद पडल्याने वयाच्या 84 व्या वर्षी औराद शहाजनी येथील स्वतःच्या घरी निधन झाले.त्यांनी आधीच केलेल्या संकल्पानुसार त्यांचे लातुर येथील वैद्यकीय महाविद्यालयात सहा तासाचे आंत देहदान करण्यात आले.
आंतरभारती मुर्तिजापुरच्या वतीने श्री गाडगे महाराज महाविद्यालयात आंतरभारतीच्या संयोजक प्रा.डॉ. मनिषा यादव यांनी 21 सप्टेंबर ला श्रध्दांजली सभेचे आयोजन केले होते.
या श्रध्दांजली सभेत आंतरभारतीचे संयोजक प्रा सुधाकर गौरखेडे, प्रा डाॅ.मनिषा यादव, प्रा.अविनाश बेलाडकर, प्रा.मिना गावंडे, योगाचार्य रामकृष्ण गावंडे, प्रा प्रमोद राजंदेकर, प्रा. डॉ. अनिल ठाकरे, विष्णु लोडम यांनी आर्य सरांच्या आठवणींना उजाळा देवुन आपल्या शब्द सुमनांनी श्रध्दांजली वाहिली. या श्रद्धांजली सभेला श्री गाडगे महाराज महाविद्यालयातील विद्यार्थी- विद्यार्थिनींची बहुसंख्येने उपस्थिती होती.