अकोला – राजा राममोहन रॉय जयंतीनिमित्त जिल्हा ग्रंथालय कार्यालयाव्दारे आज सकाळी 11 वाजता महिला सक्षमीकरण जनजागृती रॅलीला उपप्रादेशिक परिवहन अधिकारी जयश्री दुतोंडे यांनी हिरवी झेंडी दाखवून रवाना केली. ही रॅली जिल्हा ग्रंथालय कार्यालयापासून सुरुवात होवून प्रमीलाताई ओक, सार्वजनिक ग्रंथालय, अकोला येथे समारोप झाला. यावेळी जिल्हा उद्योग विभागाचे महाव्यवस्थापक निलेश निकम, जिल्हा क्रीडा अधिकारी चंद्रकांत उप्पलवार, जिल्हा माहिती अधिकारी डॉ. मिलींद दुसाने, जिल्हा नियोजन अधिकारी कैलाश देशमुख, तालुका क्रीडा अधिकारी नाकट, जिल्हा ग्रंथालय संघाचे अध्यक्ष शामराव वाहुरवाघ, शाळेकरी मुले, मुली, शिक्षक, स्थानिक नागरिक, अधिकारी व कर्मचारी मोठया संख्येने उपस्थित होते. कार्यक्रमाचे आभार प्रदर्शन जिल्हा ग्रंथालय अधिकारी कैलास गव्हाळे, सुरेंद्र भटकर, अमोल इंगळे, निषांत अहिर, सोनीया खंडारे यांनी सहकार्य केले.
जनजागृती रॅली उप प्रादेशिक अधिकाऱ्यांच्या हिरवी झेंडीने रवाना
