प्रतिनिधी प्रविण चव्हाण नंदुरबार -: ग्राहक पंचायत महाराष्ट्रचे संस्थापक अध्यक्ष ग्राहकतीर्थ स्व.बिंदूमाधव जोशी यांच्या 91 व्या जयंतीनिमित्त नंदुरबारला प्रतिमापूजनाने अभिवादन करण्यात आले.ग्राहक पंचायत महाराष्ट्र आणि महाराष्ट्र प्रदेश प्रवासी महासंघ नंदुरबार तालुका शाखेच्या संयुक्त विद्यमाने वाघेश्वरी नगर भागातील “मातोश्री” निवासस्थानी प्रतिमापूजन आणि अभिवादन कार्यक्रमाचे आयोजन करण्यात आले होते. याप्रसंगी ग्राहक पंचायतचे ज्येष्ठ मार्गदर्शक सुरेश जैन यांच्या हस्ते ग्राहकतीर्थ स्व.बिंदूमाधव जोशी यांच्या प्रतिमेस पुष्पअर्पण करण्यात आले. यावेळी महाराष्ट्र प्रदेश प्रवासी महासंघाचे नंदुरबार तालुकाध्यक्ष महादू हिरणवाळे यांनी ग्राहकतीर्थ स्व.बिंदूमाधव जोशी यांच्या आठवणींना उजाळा देताना सांगितले की, ग्राहक तीर्थस्व बिंदू माधव जोशी यांचा जन्म 25 सप्टेंबर 1931 रोजी पुण्यात झाला. ग्राहक चळवळीच्या भेटीसाठी स्व.बिंदूमाधव जोशी अनेकदा नंदुरबारला येऊन गेले. नंदुरबार जिल्ह्याविषयी त्यांना विशेष आस्था होती. असेही हिरणवाळे यांनी सांगितले.अभिवादन कार्यक्रमास ग्राहक पंचायत नंदुरबार तालुका अध्यक्षा अबोली चंद्रात्रे, सहसचिव अपेक्षा चव्हाण, तसेच प्रवासी महासंघाचे नंदुरबार तालुका संघटक योगेश्वर जळगावकर, सचिव डॉ.गणेश ढोले, सेवानिवृत्त स.गटविकास अधिकारी बी.डी. गोसावी, संभाजी पाटील, वैभव करवंदकर, अनिल बरे, गोरखनाथ बावा, आदी उपस्थित होते. ज्येष्ठ सदस्य बी.डी.गोसावी यांनी आभार मानले.
ग्राहकतीर्थ स्व.बिंदूमाधव जोशी जयं तीदिनी नंदुरबारला अभिवादन प्रतिनिधी
