निगंनुर येथील आरोग्य उपकेन्द्राचे बांधकाम थातुरमातूर

         निंगनुर येथील प्राथमिक आरोग्य उपकेन्द्राच्या बांधकामाच्या सुरुवातीलाच थातुर मातुर पद्धतीच्या कामाने प्रारंभ होत असल्याने इमारतीच्या बांधकामाची विल्हेवाट लागणार की काय ? असा संशय येत असल्यामुळे संबंधित ठेकेदाराच्या वर्तनुकीमुळे नागरिकांमध्ये संताप व्यक्त होत आहे .

             निंगनुर येथील जुन्या आरोग्य उपकेन्द्राची इमारत पाडून मुरुमा ऐवजी त्याचा मलबा नवीन इमारतीत भराव टाकला जात आहे . या व्यतिरिक्त इतर बांधकाम साहित्य निकृष्ठ दर्जाचे वापरले जात असल्याचाही आरोप नागरिकांकडून होत आहे . सदर इमारतीचे काम दर्जेदार व्हावे अशी गावकऱ्यांची अपेक्षा आहे . बांधकाम विभाग व आरोग्य विभागाच्या वरिष्ठ अधिकाऱ्यांनी याकडे जातीने लक्ष पुरवून संबंधित ठेकेदाराच्या मनमानीला आळा घालावा अशी मागणी आहे .