लव्ह-जिहादच्या संशयातून कोल्हापुरात तरुणाला जमावाकडून बेदम मारहाण; जिल्ह्यात खळबळ

कोल्हापुरातील रंकाळा तलाव परिसरात समीर सुलेमान बिजली (वय-२२, रा. किणी, ता. हातकणंगले) हा एका अल्पवयीन हिंदू मुलीला घेऊन फिरायला आला होता. मुस्लिम तरूणासोबत हिंदू अल्पवयीन मुलगी असल्याने परिसरातील युवकांनी त्याची चौकशी केली. यावेळी दोघात शाब्दिक वाद झाला. त्यांनतर जमलेल्या युवकांना हा प्रकार लव्ह जिहादचा असल्याचा शंका आल्याने तात्काळ हा प्रकार हिंदू एकताचे जिल्हाध्यक्ष दीपक देसाई यांना फोनवरून सांगितला.तर देसाई यांनी याबाबतची माहिती जुना राजवाडा पोलिसांना कळवली. जुना राजवाडा पोलीस ठाण्याचे पोलीस निरीक्षक सतीश गुरव आपल्या कर्मचाऱ्यांसह या ठिकाणी दाखल झाले.

यावेळी तेथील युवकांनी त्यांना तिथेच थांबवून चौकशी करत होते तर समीर बिजली आणि अल्पवयीन मुलगी बसले होती.मात्र अल्पवयीन मुलगी वारंवार रडत असल्याचे निदर्शनास आल्यानंतर जमलेल्या तरुणांनी याबाबत बिजली याला जाब विचारला.यावेळी जमाव आणि बिजली यांच्यात शाब्दिक बाचाबाची झाली.जमावाने समाधानकारक उत्तर न मिळाल्याने बिजली याला मारहाण केली या मारहाणीत समीर बिजली गंभीर जखमी झाला तर अल्पवयीन मुलगी बेशुद्ध पडली.दरम्यान पोलिसांनी दोघांनाही उपचारासाठी सीपीआरमध्ये दाखल केले आहे.तर समीर बिजली या तरुणावर लवजिहाद गुन्हा दाखल करावा अशी मागणी हिंदू एकताच्या कार्यकर्त्यांनी केली असून याबाबतचा तपास जुना राजवाडा पोलिस करत असून पुढील कायदेशीर कारवाई केली जाईल असे पोलिसांकडून सांगण्यात आले आहे.