मेळघाट व्याघ्रप्रकल्पात फुलपाखरांच्या ८८ प्रजातींची नोंद; ‘या’ आहेत सात नव्या प्रजाती

नागपूर : मेळघाट व्याघ्रप्रकल्पात झालेल्या फुलपाखरू सर्वेक्षणात ८८ प्रजातींच्या नोंदी घेण्यात आल्या आहेत. यामध्ये सात नवीन प्रजाती आढळल्या आहेत. या नव्या नोंदीमुळे मेळघाटातील एकूण फुलपाखरू प्रजातींची संख्या आता १४१ इतकी झाली आहे.१७ ते २० नोव्हेंबरदरम्यान हे सर्वेक्षण करण्यात आले. प्रकल्पाच्या सुवर्णमहोत्सवी वर्षानिमित्त यावर्षी प्रथमच मेळघाटात हे सर्वेक्षण करण्यात आले होते. या सर्वेक्षणात विविध ठिकाणाहून आलेल्या अभ्यासकांसह मेळघाट व्याघ्र प्रकल्पातील कर्मचारी सहभागी झाले होते. मेळघाटात सातत्याने आढळणाऱ्या १३४ फुलपाखरांच्या प्रजातींपैकी एकूण ८८ प्रजातींची नोंद यावेळी घेण्यात आली. तीन दिवसांच्या सर्वेक्षणात गोळा करण्यात आलेल्या माहितीचा अभ्यास केल्यानंतर ८८ प्रजातींची जवळपास २९८० फुलपाखरे प्रकल्पाच्या परिसरात आढळली. यापूर्वी वन्यजीव अभ्यासक डॉ. जयंत वडतकर यांनी मेळघाटमध्ये फुलपाखरांचा अभ्यास केला असून त्यांनी एकूण १३४ प्रजातींची