छत्रपती संभाजीनगर : देवाई महिला नागरी पतसंस्थेत २२ कोटी रुपयांचा घोटाळा झाल्याचे प्रकरण समोर आले. या प्रकरणाचा तपास करणाऱ्या आर्थिक गुन्हे शाखेने या नागरी पतसंस्थेच्या मुख्य व्यवस्थापकाला अटक करण्यात यश मिळविले आहे. अटक झालेल्या मुख्य व्यवस्थापकाचे नाव अरुण दत्तोपंत पूर्णपात्रे (वय ५३, रा. म्हाडा कॉलनी) असे आहे. या घोटाळा प्रकरणात यापूर्वी रावसाहेब चौथे याला ताब्यात घेण्यात आले आहे. पूर्णपात्रे या प्रकरणातील दुसरा आरोपी आहे.या प्रकरणी आर्थिक गुन्हे शाखेने दिलेल्या माहितीनुसार, देवाई महिला नागरी पतसंस्था संचालक मंडळाने २२ कोटी रुपयांचा घोटाळा केल्याचे प्रकरण समोर आले होते. सातारा पेालिस ठाण्यात दाखल गुन्हा दाखल करण्यात आलेल्या तक्रारीत संचालकांनी स्वतःच्या संस्थांना बेकायदा १३ कोटी ८३ लाख ७९ हजार १०१ रुपयांचे कर्ज दिले. आयसीआयसीआय बँकेत आठ कोटींची एफडी केल्याचे ताळेबंदात दाखवून २१ कोटी ९१ लाख १४ हजार ७५२ रुपये परस्पर हडप केल्याप्रकरणी संचालक मंडळ व व्यवस्थापक अन्य कर्मचाऱ्याविरोधात सातारा पोलिस ठाण्यात गुन्हा दाखल करण्यात आला होता. हे प्रकरण गुन्हा आर्थिक गुन्हेशाखेकडे वर्ग करण्यात आला होता. या प्रकरणात आर्थिक गुन्हेशाखेने पथसंस्थेचा लेखापाल रावसाहेब विश्वनाथ चौथेला अटक केली होती. त्यानंतर पोलिसांनी सोमवारी, २७ नोव्हेंबरला मुख्य व्यवस्थापक अरुण पूर्णपात्रेला अटक केली. ही कारवाई आर्थिक गुन्हे शाखेचे सहायक पोलिस निरीक्षक सुरेश थोरात यांनी केली.पूर्णपात्रेला पोलिस कोठडी
या प्रकरणात ताब्यात घेण्यात आलेला अरुण पूर्णपात्रे याला २७ नोव्हेंबर रोजी जिल्हा व सत्र न्यायाधीश एन. एस. मोमीन यांच्या कोर्टात हजर करण्यता आले. कोर्टात सहायक सरकारी लोकाभियोक्ता धनंजय वाकणकर यांनी आरोपी पूर्णपात्रे हा मार्च २०२२ पासून संस्थेचा मुख्यव्यवस्थापक आहे. आरोपींनी २०२१ -२२ आणि २०२२-२३ या आर्थिक वर्षामध्ये बनावट कागदपत्रांच्या आधारे पंतसंस्थेच्या निधीच अपहार केला. गुन्ह्यातील केएमके ट्रेडिंग आणि केएमके अर्बन निधी लिमिटेडसह मुख्य आरोपी पतसंस्थेचा कार्यकारी संचालक महादेव काकडे याच्या असल्याचे तपासात समोर आले आहे. लेखापरीक्षणादरम्यान आरोपींनी बनावट बॅलन्सशिट तयार करण्यात आले आहे.आरोपींकडून मुळ बॅलन्सशिट हस्तगत करायची आहे. आरोपींच्या स्वाक्षरीचे नमुने घ्यायचे आहे, पतसंस्थेचा अभिलेख तपासायचा आहे. गुन्ह्यातील कर्ज प्रकरणाच्या फाइल हस्तगत करायच्या आहेत. आरोपींनी लेखापरीक्षकांना पुरवलेले मूळ ताळेबंद पत्रक, नफा-तोटा पत्रक, प्रोसेडिंग बुक, जमा-खर्चाच्या पावत्या आदी हस्तगत मुद्देमाल हस्तगत करायचा आहे. गुन्ह्यातील पसार मुख्य आरोपी महादेव काकडे आणि त्याची पत्नी मीना काकडे यांच्यासह इतर आरोपींना अटक करायची असल्याने आरोपीला पोलिस कोठडी देण्याची विनंती न्यायालयाकडे केली होती. कोर्टाने दोन डिसेंबरपर्यंत पोलिस कोठडी सुनावली आहे.
Users Today : 15