नागपूर : येथील मानकापूरमधील प्रादेशिक मनोरुग्ण परिसरातील गुन्हेशाखेच्या युनिट पाचचे कार्यालयात पोलिस कर्मचाऱ्यांच्या बुटातून चक्क नाग बाहेर निघाला. या घटनेने काही काळ कर्मचाऱ्यांमध्ये खळबळ उडाली होती.
काय घडलं?
गुरुवार, वेळ सकाळी ९.३० वाजताची. स्थळ मानकापूरमधील प्रादेशिक मनोरुग्ण परिसरातील गुन्हेशाखेच्या युनिट पाचचे कार्यालय. सकाळी साहाय्यक पोलिस निरीक्षक पंकज भोपळे यांनी बुट काढला. प्रसाधनगृहातून बाहेर येत ते परत बुट घालायला गेले. याचवेळी नागाने फणा काढला. प्रसंगावधान राखल्याने अनुचित घटना घडली नाही. त्यांनी नागाला पकडून प्लास्टिकच्या बरणीत कैद केले. नंतर त्याला निसर्गमुक्त केले. या घटनेने काही काळ कर्मचाऱ्यांमध्ये खळबळ उडाली होती. या परिसरात नेहमीच साप निघतात. प्रसंगावधान राखल्याने भोपळे हे थोडक्यात बचावले. या परिसरातील कार्यालय अन्य ठिकाणी हलविण्यात यावे, अशी मागणी यानिमित्ताने जोर धरत आहे.
Users Today : 9