Pune Crime News : हडपसरसह नव्याने समाविष्ट गावात अवैध धंद्यांचा सुळसुळाट

सायंकाळच्या सुमारास या ठिकाणी जत्राच भरल्याचा अनुभव येतो. अनेकदा या लोकांमध्ये वाद व भांडणे होत असतात. रस्त्याने प्रवास करणाऱ्या नागरिकांनाही अनेकदा त्यांच्या रोषास सामोरे जावे लागते. सामान्य नागरिकांना येथून जीव मुठीत घेऊन प्रवास करावा लागतो.

शेवाळेवाडी कालवा व अमनोरा सिटी जवळील रस्त्यावर असे शेकडो दारुडे लोक फिरत असतात. साडेसतरानळी येथील चौक व शाळेच्या परिसरातही मोठ्या प्रमाणात असे धंदे राजरोसपणे सुरू आहेत. त्यामुळे महिला, लहान मुले यांना कायम भीतीच्या छायेत वावरावे लागत आहे.

अवैध दारू धंद्याबरोबरच मटका व पत्त्यांचे क्लबही परिसरात राजरोसपणे सुरू आहेत. या बेकायदा धंद्यातून येथे दररोज लाखो रुपयांची उलाढाल होत आहे. अनेक कुटुंबांची धंद्यामुळे परवड झाली आहे.

असे धंदे चालवणाऱ्यांच्या दादागिरीमुळे सामान्य माणूस तक्रार देण्यास धजावत नाही. पोलिसांनी त्यावर नियंत्रण ठेवण्याचे आवश्यकता असतानाही ते राहिलेले दिसत नाही. कुणी तक्रार करण्याचा प्रयत्न केल्यास तक्रारदाराचे नाव अवैधे धंदे चालवणाऱ्या पर्यंत जाते.

त्यांच्याकडून तक्रारदारावर दबाव व दमदाटी करण्याचे प्रकार यापूर्वी घडले आहेत. त्यामुळे तक्रार देण्यासाठी कोणीही पुढे येत नाही. पोलीस ठाण्याच्या परिसरात या अवैद्य धंदेवाल्यांचा राबता दिसत असल्याने पोलीस कारवाईबाबत नागरिकांकडून शंका व्यक्त केली जात आहे.

याबाबत वरिष्ठ पोलिस निरीक्षक रवींद्र शेळके यांना विचारले असता, त्यांनी केवळ “ओके’ अशी प्रतिक्रिया दिली.

“साडेसतरानळी परिसरात मोठ्याप्रमाणात गावठी दारू व मटक्याचे अवैध धंदे सुरू आहेत. त्यामुळे परिसरातील शांतता भंग पावत आहे. महिला व सत्ज्जन नागरिकांची कुचंबणा होत आहे. मुख्य चौक व शाळेजवळ राजरोसपणे हे धंदे सुरू आहेत. पोलिसांना याबाबत अनेकवेळा कळविले आहे. मात्र, ठोस कारवाई होत नाही. यापुढे त्याकडे दुर्लक्ष झल्यास आंदोलन करण्यात येईल.’