डॉ. आंबेडकर रुग्णालयासाठी ५७५ कोटींच्या निधीस मान्यता

वैद्यकीय शिक्षण व औषधी द्रव्ये विभागातर्फे ५ डिसेंबर २०२३ रोजी प्रशासकीय मान्यतेचा शासन निर्णय सादर केला आहे. डॉ. बाबासाहेब आंबेडकर रुग्णालय व अनुसंधान केंद्राचे प्रस्तावित काम नागपूर महानगर प्रदेश विकास प्राधिकरणामार्फत करण्यासही शासनाने मान्यता दिली. विशेष असे की, डॉ. आंबेडकर रुग्णालय उत्तर नागपुरातून हलविण्यात येणार असल्याच्या चर्चांना उधाण आले होते. यामुळे उत्तर नागपुरातच हे रुग्णालय उभारण्यात यावे यासाठी सर्वपक्षीय आंदोलन सुरु आहे. या पार्श्वभूमीवर या रुग्णालयासाठी निधीला मान्यता देण्यात आली आहे. यावरून हे रुग्णालय उत्तर नागपुरातच तयार होईल, असे सूतोवाच करण्यात आले.