‘आरडीएसएस’मुळे शेतकऱ्यांचे प्रश्न सुटतील

यासह जिल्ह्याच्या विविध भागांसाठी विजेच्या पायाभूत सुविधांमध्ये वाढ करण्याची मागणी उपस्थित लोकप्रतिनिधींकडून करण्यात आली. त्याची नोंद घेऊन पाठक म्हणाले की, लोकप्रतिनिधींकडून वीज उपकेंद्रे उभारणे, नवे ट्रान्सफॉर्मर बसविणे, वीज वितरण जाळे बळकट करणे यासाठी आलेल्या सूचनांनुसार पंतप्रधानांच्या आरडीएसएस योजनेत कामे हाती घेण्यात आली आहेत.

आगामी अठरा महिन्यात ही कामे पूर्ण होतील व त्यामुळे जिल्ह्यातील वीजपुरवठ्याचे विशेषतः शेतकऱ्यांचे प्रश्न सुटतील. ते म्हणाले की, सिंचनासाठी सध्या दिवसा आणि रात्री वीजपुरवठा केला जातो. त्या ऐवजी केवळ दिवसा वीजपुरवठा करावा अशी मागणी आहे.त्यामुळे उपमुख्यमंत्री तथा ऊर्जामंत्री फडणवीस यांनी सौर ऊर्जेचा वापर करून सात हजार मेगावॅट वीजनिर्मिती करण्यासाठी मुख्यमंत्री सौर कृषी वाहिनी योजना हाती घेतली आहे. त्यापैकी साडेतीन हजार मेगावॅट वीजनिर्मितीची टेंडर प्रसिद्ध झाली आहेत. त्यामध्ये सांगली जिल्ह्यातील १८६ मेगावॉटचा समावेश आहे. सांगली जिल्ह्यात शेतकऱ्यांसाठी सौरऊर्जेचा वापर करून एकूण ८२५ मेगावॉट वीजनिर्मिती करण्यात येणार आहे.