मुंबई-पुणे महामार्गावर २ भीषण अपघात; एक चालक ठार तर दुसरा गंभीर, खासगी बसमधील ११ प्रवासी जखमी

याबाबत अधिक माहिती अशी की, मुंबई ते कोल्हापूर ही बस मुंबईकडून पुण्याच्या दिशेने चालली होती. या बसने अज्ञात वाहनाला धडक दिल्याने चालकाच्या बाजूची केबिन पूर्णपणे तुटली होती. यात चालक गंभीर जखमी झाला आहे. अपघातामुळे महामार्गावर वाहतूक कोंडी झाली होती. आज पहाटेच्या सुमारास मुंबईहून पुण्याला दिशेने निघेलेली खाजगी बस ही बोरघाटात आल्यानंतर तिची एका अज्ञात वाहनाला धडक बसली. यात चालकाची बाजू पूर्णपणे तुटून गेल्याने चालकाला बाहेर पडता न आल्याने तो जखमी झाला.घटनेची माहिती मिळताच स्थानिक आणि पोलिसांच्या मदतीने जखमींना तातडीने उपचारासाठी रवाना करण्यात आले आहे. बसमध्ये एकूण १५ ते २० प्रवासी असल्याची माहिती समोर आली आहे. यामुळे महामार्गावर एकच गोंधळ निर्माण झाला होता.

दोन्ही अपघात थोड्या फार फरकाने झाले आहेत. पहाटेच्या सुमारास हा अपघात झाल्याने मदत मिळण्यास थोडा विलंब झाला. मात्र, बचाव पथकांनी बसमधील जखमी प्रवाशांना तातडीने बाहेर काढले. त्यानंतर त्यांच्यावर प्राथमिक उपचार करण्यात आले. काही जखमींना एम जी एम रुग्णालयात दाखल करण्यात असून या अपघातामुळे मुंबई पुणे लेनवर वाहनांच्या लांबपर्यंत रांगा लागल्या. महामार्ग पोलिसांनी अपघातग्रस्त बस बाजूला करत वाहतूक सुरळीत केली.