पुणे : पुणे, पिंपरी-चिचंवड आणि जिल्ह्यामध्ये आगीच्या घटनांमध्ये वाढ होत असतानाच गंभीर जळीत रुग्णांच्या उपचारासाठी जिल्ह्यातील सरकरी आणि खासगी रुग्णालयांमध्ये अपुरी सुविधा असल्याची स्थिती आहे. शहराचा विस्तार आणि लोकसंख्या वाढत असल्याने शहराच्या प्रत्येक भागातील मोठ्या सरकारी आणि खासगी रुग्णालयांमध्ये जळीत कक्ष सुरू करण्याची आवश्यकता आहे.
पुणे जिल्ह्यातील सरकारी रुग्णालयांपैकी फक्त ससून रुग्णालयामध्ये स्वतंत्र जळीत कक्ष आहे. यामध्ये २० खाटांची सुविधा आहे; परंतु संपूर्ण जिल्ह्यातून येथे रुग्ण येत असल्याने क्षमतेपेक्षा जास्त ताण ससून रुग्णालयावर येत आहे. शहरातील खासगी रुग्णालयांमध्ये किरकोळ आणि सरासरी ३० ते ३५ टक्के जळीत रुग्णांवर उपचार करण्यात येतात. मात्र, गंभीर रुग्णांसाठी स्वतंत्र कक्ष गरजेचे असल्याने अशा रुग्णांवर खासगीमध्ये उपचार करण्यात येत नसल्याची स्थिती आहे. त्यामुळे शहरात किंवा जिल्ह्यामध्ये गंभीर दुर्घटना घडल्यास जखमींना कुठे दाखल करायचे असा प्रश्न आहे.
या कारणांमुळे खासगीत जळीत कक्ष नाही?
– जळीत रुग्णांसाठी करावी लागणारी स्वतंत्र व्यवस्था.
– गंभीर जळीत रुग्णांमुळे होणारा संसर्ग.
– अन्य रुग्णांची संख्या जास्त असल्याने खाटा राखीव ठेवता येत नाही.
– जळीत कक्षासाठी असलेले नियमससूनमधील जळीत कक्षाची स्थिती
आयसीसू खाटा : ४
सामान्य खाटा : १६
एकूण : २०
वर्षाला येणारे रुग्ण : ५०० ते ६००कमी जळालेल्या जखमींवर सर्व खासगी रुग्णालयांमध्ये उपचार करण्यात येतात. मात्र, गंभीर जखमींपासून इतरांना संसर्ग होण्याची शक्यता असते. त्यामुळे त्यांना स्वतंत्र ‘आयसीसू’ची गरज लागते. त्यामुळे गंभीर जखमींवर खासगी रुग्णालयांमध्ये उपचार करण्यात येत नाही. काही वर्षांपूर्वी शहरातील काही रुग्णालयांनी जळीत रुग्णांसाठी खाटा राखीव ठेवण्याचा निर्णय घेतला होता; परंतु जळीत रुग्णांची संख्या कमी असल्याने आणि संसर्गामुळे गंभीर रुग्णांसाठी खाटा राखीव ठेवण्याचा निर्णय मागे घेण्यात आला.- डॉ. एच. के. साळे, अध्यक्ष, हॉस्पिटल असोसिएशन, पुणे
ससून सर्वोपचार रुग्णालयाच्या जळीत कक्षामध्ये २० खाटांची सुविधा आहे. सध्या जुन्या इमारतीचे बांधकाम सुरू असल्याने कक्षाचे स्थांलातरण करण्यात आले आहे. इमारतीचे बांधकाम पूर्ण झाल्यावर पुन्हा जुन्या इमारतीमध्ये जळीत कक्ष सुरू होईल; तसेच बांधकाम झाल्यावर खाटांची संख्या ३० ते ३५पर्यंत वाढविण्यात येणार आहे.- डॉ. निखील पानसे, सहयोगी प्राध्यापक, जळीत कक्ष, ससून रुग्णालयऔंध येथील जिल्हा रुग्णालयामध्ये स्वतंत्र जळीत कक्ष नाही. त्यामुळे ३० टक्के जळलेल्या रुग्णांवर उपचार करण्यात येतात. गंभीर रुग्णांना ससून रुग्णालयामध्ये पाठवले जाते.- डॉ. नागनाथ यम्पल्ले, जिल्हा शल्यचिकित्सक
Users Today : 34