नाशिकच्या निफाडमध्ये शिवशाहीला भीषण आग,छत्रपती संभाजीनगर मार्गावर बस पेटली, चालकाची सतर्कता अन् प्रवासी बचावले

दरम्यान या घटनेची माहिती मिळताच चांदोरी येथील आपत्ती व्यवस्थापन पथकातील जवान तात्काळ घटनास्थळी दाखल झाले आणि तसेच काही स्थानिकांच्या वतीने त्या ठिकाणी मदत कार्य राबविण्यात आले. उपस्थित नागरिकांकडून या ठिकाणी आग विझवण्याचे शर्थीचे प्रयत्न सुरू होते. मात्र, काही क्षणातच बसने मोठ्या स्वरूपात पेट घेतला आणि या आगीत ही संपूर्ण बस भक्षस्थानी पडली. या घटनेमुळे नाशिक ते छत्रपती संभाजीनगर राज्य मार्गावरील वाहतूक ठप्प झाली होती.यापूर्वी देखील नाशिकमध्ये राज्य परिवहन महामंडळाच्या बसेसला आग लागण्याच्या घटना घडल्या आहेत. आता पुन्हा एकदा नाशिक छत्रपती संभाजीनगर महामार्गावर शिवशाही या बसला आग लागल्याची घटना घडली. मात्र, ही आग कशामुळे लागली याचे कारण अद्याप समजू शकलेले नाही. मात्र, चालत्या बस मधून धूर निघत असल्याने बसमधील प्रवाशांमध्ये काही काळ घबराटीचे वातावरण पसरले होते.