जमिनीचा वाद बेतला जीवावर! दोन सख्ख्या भावाने केली चुलत भावाची हत्या, इंझाळा गावातील घटना

नेहमीप्रमाणे सतीश व सुमीत हे दोघे शेतामध्ये गेले होते. मनोजही शेतात होता. दरम्यान त्यांच्यात जुन्या शेतीच्या कारणातून शाब्दिक वाद सुरू झाला. हा वाद विकोपाला गेल्याने सतीश व सुमीत या दोघांनी सब्बल तसेच लाकडी काठीने डोक्यावर, पायावर, हनुवटीवर वार करून मनोजला जागीच ठार केले.

या प्रकरणी मनोजच्या आईने दिलेल्या तक्रारीवरून पुलगाव पोलिसात गुन्ह्याची नोंद केली आहे. दोनही मारेकऱ्यांना पोलिसांनी ताब्यात घेतल्याचे सांगण्यात आले आहे. पुढील तपास पुलगाव पोलिस करीत आहे. हा वाद अनेक वर्षांपासून सुरू असून अनेक दिवस संपत्तीसाठी वाद सुरू होता. या वादात एकमेकांना शिवीगाळ करणे व दोषी ठरविणे ही परिस्थिती होती. प्रसंगी मारहाणीचेही प्रकार घडले आहेत. त्यामुळे हा वाद विकोपाला गेला व ही घटना घडली.