छत्रपती संभाजीनगर : शहरात मोठ्या हॉटेल किंवा महागड्या ठिकाणी विवाह सोहळ्याची माहिती घेऊन, अशा लग्नात घुसून चोरी करणाऱ्या आंतरराज्यीय टोळीला गुन्हे शाखेच्या पथकाने ताब्यात घेतले आहे. या प्रकरणात तीन जणांना ताब्यात घेण्यात आले आहे. या प्रकरणात सोनु रम्मो सिसोदिया (वय २५), आशिष बलराम सिसोदिया (वय ३४) आणि रामबाई हरगोविंदसिंग सिसोदिया (वय ६३) व एक विधी संघर्ष बालक (वय ६३, चौघे रा. कडिया सासी, ता. पचोरे, जि. राजगड-मध्य प्रदेश) असे आहे. ताब्यात घेण्यात आलेल्यांमध्ये नातू, बाप आणि आजी असे एकाच घरातील तीन सदस्य असल्याचीही माहिती समोर आली आहे.
या प्रकरणात चोरांनी दिलेल्या माहितीनुसार, मध्य प्रदेशातून कारने हे सर्व जण शहरात आले होते. शहरात फिरून मोठमोठी मंगल कार्यालये, हॉटेल परिसरात रेकी करून सोबतच्या विधी संघर्षग्रस्त बालक व सोनू रम्मो सिसोदिया हे कार्यालयात किंवा हॉटेलमध्ये जाऊन चोरी करीत होते. चोरी केल्यानंतर काही अंतरावर लावलेल्या कारमधून ते पसार होत होते.
अनेक गुन्ह्यांची नोंद
लग्नात चोरी केल्या प्रकरणात राज्यात विविध भागात सोनू रम्मोसह अन्य काही साथीदारांवर अनेक गुन्हे दाखल असल्याची माहिती गुन्हे शाखेकडून देण्यात आली आहे.
विविध चोऱ्यांचा तपास सुरूगुन्हे शाखेने हॉटेल रामा आणि जिमखाना क्लब येथील दोन चोरीच्या टोळीचा शोध लावलेला आहे. मात्र हॉटेल अतिथी येथे साधारणत: पावणे दोन लाख रुपयांची बॅग चोरी आणि पुंडलिकनगर भागात एका लग्न कार्यालयात झालेल्या चोरीचा तपास अजूनही सुरू आहे.
Users Today : 23