केस मागे घेत नाही या रागातून जावयाने केले सासूवर चाकूने वार; नायगाव येथील घटना

लोणी काळभोर पोलिसांनी दिलेल्या माहितीनुसार, फिर्यादी रुपाली शिंदे या त्यांच्या आई अलका गवळी यांच्यासोबत नायगाव येथे राहतात. फिर्यादी रुपाली यांची पोटगी व मुलीचा ताबा मिळण्यासाठी कोर्टात केस चालू आहे.

आरोपी संग्राम शिंदे हा बुधवारी (ता. १३) सायंकाळी साडे पाच वाजता नायगाव येथील त्यांच्या सासूच्या घरी आला. तो त्याची पत्नी रुपाली यांना म्हणाला ‘ केस मागे घे’, यावर ‘जे काही होईल ते कोर्टात होईल’, असे रुपाली म्हणाल्या.

त्यावेळी संग्राम याने टिफिनच्या पिशवीतून आणलेला धारधार चाकू काढत ‘तुला जीवानिशी सोडणार नाही’ असं म्हणत अंगावर धावून गेला त्यावेळी रुपाली यांची आई अलका गवळी मध्ये आल्याने ‘तुझ्यामुळेच सगळे होत आहे तूच केस मिटवू देत नाही तुलाच खल्लास करतो असे म्हणत अलका यांच्या पोटात तीन वेळा चाकू घुसवून त्यांच्या डाव्या हातावर चाकूने वार केले त्यात त्या गंभारी जखमी झाल्या. पुढील तपास लोणी काळभोर पोलीस करीत आहेत.